web counter
LEXO PA REKLAMA!

SHKARKO APP

App Store
Google Play

Sançes paralajmëron Lilën se do të dalë në stërvitje me Milanin

22 Korrik 2022, 10:12, Sport CNA

Sipas raportimeve të fundit nga “L’Equipe”, Renato Sançesit i është sosur durimi dhe, siç njoftuam në numrin e djeshëm, duket se i ka dhënë ultimatum PSG-së dhe skuadrës së Lilës. Nëse nuk arrihet një marrëveshje mes dy palëve brenda 48 orëve, ai do t’i bashkohet “Djallit”.

E përditshmja transalpine ka rrëmuar duke zbuluar edhe fjalët e sakta të portugezit për drejtuesit e klubit të tij. “Pranoni ofertën e PSG-së ose të hënën do të dal në stërvitje me Milanin”, duket të kenë qenë fjalët e Sançesit, i cili nuk dëshiron më të mbajë pezull të ardhmen e tij. PSG-ja ka arritur të ofrojë deri në 12 milionë euro, teksa Milani 15.

Lila do të zgjidhte kuqezinjtë, por kryeqytetasit i ofrojnë më shumë lojtarit që, me sa duket, është lodhur duke pritur dhe mund të pranojë “Djallin” ku e pret një kontratë 4-vjeçare me 3.5-4 milionë euro në sezon. Duke parë ultimatumin e dhënë dhe qetësinë me të cilën PSG-ja po lundron në ujërat e merkatos, nuk do të ishte çudi që të hënën vërtet Sançesi të jetë në grup me kampionët e Italisë nën urdhrat e Stefano Piolit.





Lajmet e fundit nga