web counter
LEXO PA REKLAMA!

SHKARKO APP

App Store
Google Play

E fundit!

x

Rudi Vata, trajner i Vllaznisë? Presidenti Xhaferri: Ai është shkodrani ynë, kontakte të vazhdueshme me të

21 Mars 2023, 14:27, Sport CNA

Rudi Vata, trajner i Vllaznisë? Presidenti Xhaferri: Ai është

Me largimin e Mirel Josës, Vllaznia mbetet pa një trajner kryesor. Në stërvitje, ekipin e ka marrë përsipër dyshja Auron Miloti dhe Vioresin Sinani. Pritet me interes se kush do të jetë timonieri i ri i shkodranëve dhe është vetë presidenti Xhaferri që jep përgjigjen. I ftuar në emisionin “Sport Show”, Xhaferri u pyet për emërimin e Rudi Vatës si trajner dhe kreu numër 1 i kuqebluve tregon haptas planin e tij për stolin.

“Vllaznia e ka tashmë trajnerin e saj që është Auron Miloti dhe po ashtu edhe drejtorin që do të jetë Vioresin Sinani. Unë kam një respekt të veçantë për Rudin sepse ai është një emër i madh i futbollit shkodran dhe shqiptar.

Është shkodrani ynë, është dashamirës gjithashtu, kam kontakte të vazhdueshme me të. Kemi ndenjur, kemi biseduar herë pas here dhe ai na ka dhënë ato këshillat e veta, por nuk është se kemi pasur ndonjë gjë konkrete për më tej.

Ne jemi shumë të fokusuar ta mbyllim kampionatin me sukses njëherë e pastaj të mendojmë për të ardhmen. Unë e respektoj Rudi Vatën shumë, por siç thashë, për momentin fokusi ynë është i përqendruar te kampionati aktual.”- tha Xhaferri.





Lajmet e fundit nga