web counter
LEXO PA REKLAMA!

SHKARKO APP

App Store
Google Play

E fundit!

x

Ekskluzive/ Portieri i Skënderbeut: Na mungojnë tifozët, ky ekip meriton Superioren

21 Mars 2023, 13:57, Sport CNA
Ekskluzive/ Portieri i Skënderbeut: Na mungojnë tifozët, ky ekip
Shkëlzen Ruçi, portieri titullar i Skënderbeut

Skënderbeu po kalon një moment të mirë në kampionat, pasi me ardhjen e trajnerit Gvozdenoviç, korçarët kapën formën optimale dhe aktualisht kryesojnë tabelën e renditjes, duke qenë ekipi kryesor si pretendent për ngjitjen në Superiore.

Portieri i bardhekuqve, Shkëlzen Ruçi, ka folur për CNA.al duke treguar mbi ecurinë e javëve të fundit të ekipit, por edhe për atë që pret ai dhe shokët e tij deri në fundin e kampionatit. Ruçi tha se ardhja e Gvozdenoviçit i ka forcuar dhe nëse do kenë edhe më shumë mbështetje nga tifozët, objektivi "Superiore" do jetë akoma dhe më i arritshëm.

Ruçi, si duket situata në kampin e Skënderbeut?

Situata është shumë e mire jemi dhe jemi shumë optimistë qe do ngjitemi në Superiore. Ardhja e trajnerit Gvozdenoviç ka sjellë një harmoni të madhe në ekip dhe jemi më të bashkuar se kurrë.

Pse Skënderbeu nuk po fiton dot nëpër transferta?

Ka qenë pak e vështirë me thënë të drejtën për ne, kjo edhe për shkak të terreneve jo të mira, fusha të cilat na kanë penguar disi në finalizimin e aksioneve.

E rrezikon Skënderbeu vendin e parë?

Ne do të bëjmë maksimum të dalim kampionë, por objektivi ynë kryesor është ngjitja në Superiore. Nëse e arrijmë këtë, do të ishim të kënaqur.

Shumë pak tifozë në stadium. E ndieni mungesën e tyre?

Sigurisht. Për çdo ekip dhe futbollist prania masive e tifozerisë është një motiv plus për të zhvilluar një performancë sa më të mirë. Shpresojmë që në ndeshjet e mbetura të vijnë sa më shumë tifozë dhe të na mbështesin drejt objektivit tonë.

Do të ngjitet Skënderbeu në Superiore?

E thashë edhe më sipër që ai është objektivi ynë kryesor dhe shpresoj që në fund ta gëzojmë qytetin e Korçës me ngjitjen në Superiore, aty ku i takon këtij ekipi me histori të madhe.





Lajmet e fundit nga