“Rrahmani kishte potencial të jashtëzakonshëm”, rrëfehet De Biasi: Spanja fiton Botërorin, Mancini është në rrugën e duhur

1 Dhjetor 2022, 11:59, Sport CNA

“Rrahmani kishte potencial të jashtëzakonshëm”,

Ish-trajneri i Shqipërisë, Gianni de Biasi, tashmë në krye të Azerbajxhanit foli për "TuttoMercatoWeb", për Botërorin dhe ndër të tjera edhe për Rrahmanin, i cili debutoi me Shqipërinë nën “diktatin” e teknikut.

Favoritët e Botërorit?
Pavarësisht rezultateve sensacionale dhe barazimin e fundit, Spanja është ekipi ku unë besoj më shumë. Do të isha shumë i lumtur nëse Luis Enrique e fiton këtë turne duke qenë se jeta i ka marrë shumë atij. Kështu, ai do të merrte diçka mbrapsht.

Ku duhet të fillojë Mancini?
Italia është një zhgënjim. Të mendosh që kanë kaluar dy Botërore pa një skuadër të tillë, e mbi të gjitha fituesit e Europianit, është diçka anormale. Mendoj se Mancini është në rrugën e duhur, ai ka lojtarët që mund të prodhojnë atë që ai ka në mendje.

Duke vecuar bllokimin ndaj Zvicrës dhe humbjen ndaj Maqedonisë së Veriut, periudha e tij ka qenë pozitive, vetëm se duhet të vazhdojmë në këtë rrugë pa ndaluar dhe të arrijmë progres ditë pas dite.

Mancini po përdor lojtarë të rinj që akoma nuk kanë treguar dicka me klubet. Të pëlqen kjo politikë?
Eksperienca e Zaniolos ka nxjerrë frute por sot duhet të fokusohet më shumë në lojtarët që po luajnë rregullisht. Të rinjtë duhet të kuptojnë që nëse luajnë mirë do të kenë një rrugë të hapur përpara. E gjitha varet nga dëshira e fortë për t’u bërë pjesë e kësaj kombëtareje, mendoj se kjo është pjesë e shpirtit të Mancinit.

Të thërrasësh lojtarë që nuk kanë parë skuadrën e parë akoma nëpër klube, mendoj se ëstë një mënyrë për t’i sjellë afër ambientit, por në të njëjtën kohë mund të çojë në një prishje të balancave psikologjike nëse fëmijët nuk janë gati për këto episode.

Napoli po fluturon, e ka gjetur Spalletti formulën perfekte?
Çdo trajner ka aftësinë të marrë maksimumin nga lojtarët. Mendoj se Spalletti ka gjetur një miks të jashtëzakonshëm. Ata që punojnë brenda klubit, flas për skautët dhe gjithcka që është bërë, janë gjetur lojtarët e duhur, Kim, Kvaratskhelia, Anguissa etj. Janë të gjithë në funksion të projektit. Spalletti është i zoti dhe i zgjuar, ai e di si të veprojë në këto situata dhe besoj se ai ka një makinë të mirë. I uroj më të mirat.

I dhatë debutimin Rrahmanit me Shqipërinë? Menduat ndonjëherë që ai do të kishte këtë karrierë?
Mendoj se ai kishte potencial të jashtëzakonshëm, edhe në nivelin fizik. Po luante një një kampioat të vogël me Partizanin në Shqipëri dhe bëri një aventurë të rëndësishme para se të mbërrinte në Napoli.

Kaloi fillimisht Kroacinë dhe pastaj në Verona ku ka qenë shumë mirë në përfshirjen e vetes së tij në kontekste të ndryshme ku ka mundur të nxjerrë kualitetet e tij.

Sfiduesit e Napolit për Scudetto?
Nëse shohim tabelën themi se Napoli ka një diferencë të madhe por në jetë kurrë nuk thuhet kurrë. Milani është ekip me kualitete, Juve ka gjetur ritmin dhe duhet të kuptojmë se cfarë ndohd kur ata të rikuperohen plotësisht pasi janë një ekip plot me lojtarë që luajnë në Botëror.

Edhe Lazio po bën shumë mirë me Sarrin dhe Interi është përsëri aty. Të gjitha skuadrat janë përfolur për Scudetto por kampionati është pak i ndërlikaur tashmë pasi Napoli është jashtë çdo logjike dhe po ecën me një shpejtësi të çmendur.