web counter
LEXO PA REKLAMA!

SHKARKO APP

App Store
Google Play

E fundit!

x

Pasojat e eliminimit nga grupet e Botërorit, trajneri i kombëtares së njohur drejt shkarkimit

1 Dhjetor 2022, 09:48, Sport CNA

Pasojat e eliminimit nga grupet e Botërorit, trajneri i kombëtares

Australia ka mposhtur dje pasdite Danimarkën me rezultatin 1-0 çka i mundësoi të kualifikohej në fazën e 1/8-ave. Goli i vetëm në këtë sfidë ushënua nga Leki në minutën e 60-të.

Danezët tentuan të reagonin gjatë të dyjave pjesëve, por nuk ia dolën dot. Falë suksesit të djeshëm, Australia renditet në vendin e dytë në Grupin D me 6 pikë me të njëjtën sasi pikësh si Franca e vendit të parë që ruajti pozicionin falë golavarazhit dhe ndeshjeve direkte.

Tekniku i “Kangurëve”, Graham Arnold, ka rrëfyer edhe”recetën” e suksesit të ekipit të tij: “Tani mendojmë për ndeshjen e radhës. Nuk festojmë, nuk emocionohemi dhe nuk përdorim rrjete sociale. Duhet vetëm të pushojmë. Kështu bëmë pas fitores me Tunizinë, e kështu do të vijojmë të sillemi deri në minutën tonë të fundit në Katar”.

DANIMARKA – Po aq objektiv edhe Kasper Hjulmand. Trajneri merr përsipër fajin e dështimit në këtë Kupë Bote dhe me gjasë nuk do të jetë më trajneri i Danimarkës. Pas ndeshjes ai deklaroi:

“Nuk mund të pretendosh të kualifikohesh pa fituar asnjë ndeshje. Duhet të kishim bërë më tepër, por tani është kohë reflektimesh dhe më duhet të vlerësoj pozicionin tim”.





Lajmet e fundit nga