web counter
LEXO PA REKLAMA!

SHKARKO APP

App Store
Google Play

Ronaldo përballë Realit dhe Messit? Sulmuesi merr vendimin për Botërorin e Klubeve

2 Maj 2025, 19:27, Sport CNA

Ronaldo përballë Realit dhe Messit? Sulmuesi merr vendimin për

Cristiano Ronaldo nuk do të marrë pjesë në edicionin e parë të Botërorit të Klubeve me formatin e ri të organizuar nga FIFA, që do të zhvillohet në Shtetet e Bashkuara të Amerikës nga 14 qershori deri më 15 korrik.

Megjithëse mundësia për të luajtur në një kompeticion të tillë ishte reale, ylli portugez ka refuzuar ofertën e marrë nga klubi saudit Al Hilal, duke mos pranuar të veshë përkohësisht fanellën e rivalëve të Al Nassr, ekipit të tij aktual.

Ronaldo ishte i ftuar të bashkohej me Al Hilal në këtë turne si lojtar i huazuar përkohësisht, për të përfaqësuar klubin në një eveniment të rëndësishëm ndërkombëtar.

Në grupin e tyre ndodhet edhe Real Madrid, ish-klubi i tij, me të cilin sulmuesi shkroi faqe të arta në historinë e futbollit. Përballja e mundshme me ish-skuadrën e tij kishte ngjallur shumë interes, por portugezi vendosi të qëndrojë besnik ndaj Al Nassr.

Luzitani është afër rinovimit të kontratës me klubin nga Rijadi edhe për një sezon tjetër, pavarësisht eliminimit të hershëm të Al Nassrnga Liga e Kampionëve e Azisë.

Kjo tregon angazhimin e tij të vazhdueshëm me projektin e nisur në Arabinë Saudite dhe përkushtimin ndaj klubit, të cilit i shërben si kapiten dhe figura kryesore.

Është përgënjeshtruar gjithashtu një tjetër hipotezë që qarkulloi në media, sipas së cilës Cristiano Ronaldo mund të ishte pjesë e Botërorit të Klubeve me ekipin egjiptian Al Ahly, për të zhvilluar një ndeshje simbolike kundër Inter Miamit të Lionel Messit në takimin hapës të turneut. Ky skenar nuk do të konkretizohet, dhe me shumë gjasa, lojtari portugez nuk do të jetë pjesë e eventit.





Lajmet e fundit nga