web counter
LEXO PA REKLAMA!

SHKARKO APP

Historike, një shtet mund të përfaqësohet me 6 ekipe në Champions

2 Maj 2025, 15:47, Sport CNA

Historike, një shtet mund të përfaqësohet me 6 ekipe në

Futbolli anglez është pranë një arritje historike, me mundësinë reale që të përfaqësohet nga gjashtë ekipe në edicionin e ardhshëm të Ligës së Kampionëve.

Një skenar i paprecedentë, që do të vendoste një rekord të ri në arenën europiane të klubeve dhe që do të theksonte edhe më tej dominimin e Premier League në futbollin kontinental.

Kjo është bërë e mundur falë performancës mbresëlënëse të Manchester United dhe Tottenham në gjysmëfinalet e Ligës së Europës. Të dyja skuadrat kanë hedhur një hap të madh drejt finales, pas fitoreve bindëse në ndeshjet e para.

Manchester United mposhti në transfertë Athletic Bilbao-n me rezultatin e thellë 0-3, ndërsa Tottenham arriti një fitore 3-1 ndaj Bodo/Glimt. Me këto rezultate, një finale tërësisht angleze në Europa League duket shumë e mundshme dhe bashkë me të, edhe mundësia që një prej këtyre skuadrave të sigurojë një vend në Ligën e Kampionëve përmes triumfit në këtë turne.

Kjo është veçanërisht e rëndësishme duke qenë se asnjëra prej këtyre dy skuadrave nuk është aktualisht në pozita që sigurojnë një vend në Champions përmes renditjes në Premier League. Megjithatë, fituesi i Europa League përfiton automatikisht të drejtën e pjesëmarrjes në edicionin e ardhshëm të Champions League, pavarësisht pozicionit në kampionat.

Në të njëjtën kohë, sipas rregullores së re të UEFA-s dhe sistemit të koeficientëve, Anglia ka siguruar tashmë pesë vende për Ligën e Kampionëve për sezonin 2025–2026.





Lajmet e fundit nga