web counter
LEXO PA REKLAMA!

SHKARKO APP

App Store
Google Play

Ronaldo është gati të fundosë Juventusin, pranon të dëshmojë dhe kërkon miliona të tjera

24 Shkurt 2023, 17:26, Sport CNA

Ronaldo është gati të fundosë Juventusin, pranon të

Kristiano Ronaldo është gati të tregojë të gjithë të vërtetën e tij mbi çështjen e rrogave “të falura” te Juventusi. Sulmuesi portugez, i cili tashmë është pjesë e Al Nasr, raportohet nga mediat italiane se ka shprehur gatishmërinë që t’u përgjigjet pyetjeve të prokurorisë Italiane mbi manovrat financiare që bënte klubi bardhezi për të manipuluar bilancet.

Prokuroria e Torinos kishte kërkuar të mësonte nëse ai do të jepte dëshmi për të ashtuquajturën “letra Ronaldo”, shkresën me të cilën Juventus i zotohej se do t’i paguante në një periudhë tjetër rreth 19 milionë euro që duhej të zhdukte nga bilancet financiare.

Një shkresë të cilën Ronaldo nuk e firmosi kurrë e për të cilën nuk rrezikon asnjë lloj dënimi, pasi nuk është bërë pjesë e mashtrimit, meqë kishte dyshimet e tij rreth këtyre lëvizjeve. Sipas “TMË”, ai ka shprehur gatishmërinë që të flasë, por nuk dihet ende nëse do të udhëtojë drejt Italisë, apo do të bëjë dëshminë para autoriteteve në Arabinë Saudite, të cilat më pas do ua kalojën atyre italiane.

Përveç kësaj, lojtari raportohet se është gati të cilësojë veten palë e dëmtuar dhe të kërkojë shlyerjen e menjëhershme të një pagesë prej 28 milionë eurosh nga bardhezinjtë. Janë 19 milionë euro që klubi i detyrohet si të prapambetura, ndërsa pjesa tjetër janë komisione dhe shpenzime ligjore.





Lajmet e fundit nga