web counter
LEXO PA REKLAMA!

SHKARKO APP

App Store
Google Play

Reshjet e shiut pengojnë garën e Formulës 1, FIA anulon Çmimin e Madh të Imolas

17 Maj 2023, 15:28, Sport CNA

Reshjet e shiut pengojnë garën e Formulës 1, FIA anulon

Reshjet e dendura që kanë kapluar Italinë fqinje gjatë kësaj jave kanë bërë që lumi Santero, në zonën e Emilia-Romagna, të dalë nga shtrati dhe të shkaktojë përmbytje të mëdha e si për rrjedhojë është anuluar dhe gara e Çmimit të Madh të Imolas, të Formula 1.

Reshjet e shiut kanë përmbytur një pjesë të madhe të pistës, por për fat të mirë nuk kanë shkaktuar dëme në njerëz, por vetëm materiale.

Vendimi i anulimit të garës erdhi ditën e sotme, ku me anë të një komunikate në rrjetet sociale, FIA deklaroi se çmimi i Imolas nuk do të zhvillohet këtë javë, teksa nuk dihet ende nëse do të ketë një shtyrje apo jo.

“Në këtë gjendje ne nuk mund të zhvillojmë çmimin e Imolas, në këto kushte ne rrezikojmë shëndetin e tifozëve, pilotëve dhe stafit drejtues. Prandaj gara e planifikuar për këtë javë nuk do të zhvillohet”,- shkruhej në komunikatën e FIA-s.

Ndërkaq, me rastin e anulimit të çmimit, fondet e mbledhura për organizimin e garës, do t’u shkojnë familjeve që janë prekur nga përmbytja. 





Lajmet e fundit nga