E fundit!

08:42 Politikë

Mblidhet sot Këshilli Kombëtar i PD-së/ Pritet zgjedhja e Sekretarit të Përgjithshëm, nënkryetarëve dhe strukturave

Partia Demokratike vijon procesin e riorganizimit të brend...

Renditja e më të aktivizuarve, rekordmeni i Superiores është një malazez

9 Maj 2023, 15:38, Sport CNA

Renditja e më të aktivizuarve, rekordmeni i Superiores është

Kampionati shqiptar po shkon drejt fundit dhe tashmë klubet duan që të shfrytëzojnë në maksimum energjinë që u ka mbetur lojtarëve me qëllimin për të arritur objektivat e tyre. Por, kur duhen dhe katër javë nga fundi, "SuperSport" sjell rekordmenët e secilës skuadër sa i takon aktivizimit që kanë pasur.

Bojan Zogoviç është lojtari i cili ka luajtur çdo minutë gjatë këtij edicioni në Superiore. Portieri malazez është aktivizuar në 32 ndeshje, duke qenë rekordmeni i vetëm në këtë kampionat. Në listën e lojtarëve më të aktivuzar të secilit ekip rezulton se janë 5 “gardianë”, që në ekipet e tyre janë më të aktivizuarit.

Te Kukësi lojtari më i aktivizuar është kapiteni Gjelbrim Taipi. Kapiteni i skuadrës verilindore ka luajtur 2816 minuta, duke luajtur po aq ndeshje sa Zogoviç, por është zëvendësuar në 8 ndeshje.

Visar Bekaj i Tiranës ka humbur vetëm një përballje këtë edicion, por, pavarësisht, kësaj ai mbetet lojtari më i aktivizuar te kampionët. Në të njëjtën kuotë minutash me Bekajn (2790) janë dhe Alen Sherri, më i aktivizuari tek Egnatia, Viktor Velkovski, lojtari me më shumë minuta te Laçi, dhe Edmir Sali, më i aktivizuari te Kastrioti.

Renditja e më të aktivizuarve, rekordmeni i Superiores është

Lorenco Vila është lojtari që ka luajtur më shumë te Teuta. Sulmuesi është aktivizuar në 31 ndeshje, duke luajtur 2720 minuta. Erzeni ka besuar më shumë se te kushdo te duart e Dashamir Xhikës, i cili ka luajtur këtë edicion 2700 minuta, ndërsa në të njëjtën kuotë është dhe lojtari më i aktivizuar te Bylisi, Aleksandër Trumçi.

Në fund është Partizani, që lojtarin që ka aktivizuar më shumë ka Andi Hadrojn, i cili në listën e më të aktivizuarve në secilin ekip në Superiore rezulton me më pak minuta. Mbrojtësi është lojtari me më shumë minuta te Partizani me 2662 të tilla, duke qenë rekordmeni i të kuqve.