web counter
LEXO PA REKLAMA!

SHKARKO APP

App Store
Google Play

E fundit!

x

Reja i dërgon ftesë supertalentit të Benfikës

12 Qershor 2022, 15:29, Sport CNA
Reja i dërgon ftesë supertalentit të Benfikës
Kombëtarja në stërvitje

Një tjetër lojtar i është bashkuar Kombëtares shqiptare ditën e sotme. Ai është Adrian Bajrami, mbrojtësi që mban shiritin e kapitenit te Benfika U-23.

20-vjeçari është grumbulluar edhe më parë nga Edoardo Reja, por nuk ka arritur ende të debutojë me Kombëtaren. Shqipëria luan përballë Estonisë të hënën në “Air Albania”, duel që nis prej orës 18:00.

Trajneri italian ka bërë disa ndryshime në listën e tij me portierin dhe lojtarët Etrit Berisha, Nedim Bajrami, Ivan Balliu, Kristjan Asllani, Klaus Gjasula, Berat Gjimshiti, Sokol Cikalleshi.

Bekim Balaj, Ardian Ismajli, Marash Kumbulla dhe Kastriot Dermaku do të largohen nga grumbullimi dhe nuk do të jenë të gatshëm për sfidën me Estoninë.

Me ekipin janë bashkuar edhe pesë lojtarët e rinj të ftuar së fundmi: Arbnor Muçolli, Jon Mersinaj, Enis Çokaj, Simon Simoni dhe Kevin Haveri.

Anësori i majtë është pjesë e Riminit, teksa për 20-vjeçarin ka interesim konkret nga klubi i Torinos. Reja i ka dërguar një ftesë edhe Bajramit, i cili shpreson të marrë minuta dhe të debutojë me Kombëtaren shqiptare.





Lajmet e fundit nga