web counter
LEXO PA REKLAMA!

SHKARKO APP

App Store
Google Play

Publikohet argumentimi i vendimit për dënimin e Juventusit: Ja pse shkoi nga -9 në -15 pikë

30 Janar 2023, 22:43, Sport CNA

Gjykata e Apelit e FIGC ka publikuar sot argumentimin me 36 faqe të vendimit për të dënuar me -15 pikë juventusin për shkak të shkeljeve sa i përket plusvalencave. Ndonëse shkalla e parë i kishte shpallur të pafajshëm bardhezinjtë ndërsa në shkallën e dytë prokurori kishte kërkuar -9 pikë penalizim, ata u ndëshkuan me -15.

Sipas Apelit, të gjitha përgjimet e siguruara nga Prokuroria e Torinos vërtetonin se kishte prova konkrete të shkeljeve pasi këto cilësoheshin si elementë të rinj që nuk kishin qenë në dispozicion të shkallës së parë.

“Është e padiskutueshëm që pasqyra e fakteve që është përcaktuar nga dokumentacioni që u kalua nga Prokuroria e Republikës në Torino, te Prokuroria federale e FIGC, e cila e përdori për kthimin e vendimit, nuk njihej nga gjykata federale në momentin e vendimit të parë dhe nëse do të ishte në dijeni, me siguri do të kishte sjellë një vendim të ndryshëm”, shkruhej ndër të tjera në argumentim.

“Duke marrë për bazë precedentët që i përkasin ndryshimeve në kontabilitetin e klubit për disa periudha, në sasi dhe intensitet, u cilësua e nevojshme që të ripërcaktohej sanksioni në krahasim me kërkesën e prokurorit federal”, shpjegonte më tej argumentimi arsyen pse ishte kaluar nga -9 që kërkohej për Juventusin, në -15 pikë që përcaktoi vendimi.





Lajmet e fundit nga