web counter
LEXO PA REKLAMA!

SHKARKO APP

App Store
Google Play

Probleme te Interi, dëmtohet sulmuesi

24 Shtator 2023, 19:27, Sport CNA

Interi bën 5 fitore në po kaq ndeshje të luajtura në kampionatin italian, duke mposhtur Empolin me rezultatin minimal 0-1 në transfertë, falë një goli spektakolar të shënuar nga Dimarco në fillim të pjesës së dytë.

Megjithatë festa e zikaltërve u prish nga sulmuesi austriak Marko Arnautovic, i cili pësoi një dëmtim muskulor në kohën shtesë dhe la skuadrën për pak minuta me 10  futbollistë në fushë.

Dëmtimi duket i rëndë, teksa vetëm nesër pritet që Arnautovic të kryejë ekzaminimet mjekësore, por gjasat janë që sulmuesi austriak të qëndrojë gjatë larg fushave të lojës.

E pranoi këtë edhe trajneri Simone Inzaghi, që në të njëjtën kohë zbuloi edhe emrat e futbollistëve që do të provojë të përshtatë si sulmues të dytë.

“Dëmtimi i Arnautovic na prish festën, pasi kishte hyrë mirë në grup dhe po përshtatej në mënyrë perfekte. Megjithëse jemi të limituar, do të vijojmë të luajmë me dy sulmues, pasi edhe Klaasen e Mkhitaryan mund të luajnë si sulmues të dytë. Gjithsesi shpresojmë që Arnautovic të na bashkohet sa më shpejt”, tha Inzaghi.





Lajmet e fundit nga