E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Polemika për penallti dhe anulohet një gol, mbyllet pjesa e parë në Erzeni-Laçi

17 Shtator 2022, 18:41, Sport CNA

Erzeni pret në Durrës Laçin në sfidën e javës së pestë të “Abissnet Superiore”, me të dyja skuadrat që kërkojnë fitoren.

Skuadra shijakase vjen nga një fitore përballë Partizanit dhe kërkon të vazhdojë me këtë ritëm për të arritur objektivin e mbijetesës dhe madje më shumë.

Nga ana tjetër, kurbinasit po kalojnë një formë shumë të dobët dhe për këtë arsye do të kërkojnë të rikthehen dhe njëherë te tre pikët për të qenë në lojë për objektivat.

KOMENTI LIVE

45’+3′ Mbyllet pa gola pjesa e parë.

45’ Përsëri Spahiu shfaqet me një gjuajtje nga jashtë zonës, Xhika kontrollon në dy kohë.

40’ Spahiu tenton nga jashtë zonës me një gjuajtje të fortë, topi kalon mbi traversën e portës së mbrojtur nga Xhika.

28’ Kadriu shfaqet në krahun e majtë të sulmit dhe hyn në zonën e Laçit, por tentativa e tij për të pasuar në qendër çon topin në duart e Dajsinanit.

33’ Tjetër situatë polemikash në Durrës. Alan niset drejt portës, kalon topin dhe më pas rrëzohet pas një kontakti me Dajsinanin. Meta i tregon futbollistit të Erzenit kartonin e verdhë për simulim mes protestave. Ndëshkohet me të verdhë edhe Turkaj për një faull të mëparshëm gjatë aksionit. VAR nuk ndërhyn.

29’ Harkim i rrezikshëm në zonën e Laçit nga një goditje dënimi, Dajsinani largon ndërsa më pas loja ndalet për pak çaste për t’i ardhur në ndihmë Turkajt, i cili u dëmtua pas një përplasje me Ademin.

23’ Borisuk provon nga jashtë zonës, shënjestra është tërësisht e gabuar.

17’-20′ Ndodh gjithçka në Durrës. Fillimisht janë shijakasit që kërkojnë penallti pas një kontakti mes Turkajt dhe Ademit në zonën e laçit. Meta bën shenjë që loja të vazhdojë dhe më pas situata zhvendoset në portën tjetër, ku Spahiu gjen rrjetën pasi gjen në pozicion të dyshimtë. Meta bën shenjë nga qendra mes protestave pa fund në fushë e tribunë. Pas dy minutash pritje, meta bën shenjë që VAR ka sinjalizuar pozicion jashtë loje për lojtarin e kurbinasve. Anulohet goli.

12’ Sadiki gabon me një kthim mbrapa, Adeleke shfaqet para Xhikës dhe portieri devijon sferën jashtë. Kurbinasit pretendojnë për penallti por gjyqtari Kridens Meta bën shenjë që loja të vazhdojë.

8’ Kadriu ka mundësinë të krijojë një rast të rrezikshëm nga e majta me një depërtim të shpejtë, por nuk ia del të pasojë për shokët e skuadrës dhe mbrojtja kurbinase largon rrezikun ashtu siç bën pas pak çastesh edhe me harkimin e Iljazit nga e djathta.

7’ Kahrimanoviç harkon një goditje dënimi nga e djathta në zonën e Laçit, Dajsinani del dhe grushton ndërsa më pas shijakasit sinjalizohen për një pozicion jashtë loje.

4’ Qarkullim i topit në minutat e parë nga skuadra e Laçit, që mundohet të gjejë hapësirë për të thumbuar drejt portës së Xhikës, pa sukses.

ERZENI: Xhika, Iljazi, Krasniqi, Sadiki, Peposhi, Mehmeti, Kahrimanoviç, Alan Rodrigez, Kadriu, Ademi, Nonato.

LAÇI: Dajsinani, Roganoviç, Borisiuk, Turkaj, Mazrekaj, Adeleke, Manellari, Ziko, Velkoski, Spahiu, Peterman.