web counter
LEXO PA REKLAMA!

SHKARKO APP

App Store
Google Play

Partizani tenton goditjen e madhe, mesfushori i Kombëtares stërvitet me të kuqtë

22 Qershor 2023, 15:44, Sport CNA

Partizani tenton goditjen e madhe, mesfushori i Kombëtares stërvitet

Partizani është një nga klubet më të shëndetshme financiarisht, jo vetëm sepse ka bërë shitje rekord, por edhe sepse presidenti Demi gjithnjë ka akorduar një buxhet të konsiderueshëm për afrimin e lojtarëve. Paratë në këtë verë nuk kanë qenë problemi më i madh, por Shqipëria ka rezultuar të jetë një kampionat jo i pëlqyer për ta, që nuk i ndihmon për të përparuar sa duhet në karrierë.

Gjithsesi, kjo sërish e bën Partizanin të mos dorëzohet dhe të tentojë “pesha të rënda” në merkato. Prej dy ditësh, Endri Çekiçi po stërvitet në të njëjtin stadium me Partizanin. Skuadra e kuqe po kryen fazën përgatitore në Pogradec dhe mesfushori, që sapo mbylli kontratën me Konjaspor, prej dy ditësh zgjedh të njëjtin orar për të kryer stërvitjen.

Duke parë vlerën e tij prej 3.2 milionë eurosh në merkato dhe faktin që disa klube turke i kanë bërë ofertë, të aludosh një transferim te Partizani mund të duket një çmenduri.

Gjithsesi, merkatoja na ka treguar se edhe çmenduritë mund të bëhen realitet dhe "Panorama Sport" mëson se Partizani po e tenton këtë. Duke shfrytëzuar miqësinë e Zekiçit dhe Grezdës me 26-vjeçarin, por edhe situatën e vetë lojtarit, drejtuesit e Partizanit po punojnë për të bindur Çekiçin, që të luajë me të kuqtë të paktën në dy raunde në Europë.

Drejtuesit këmbëngulin në maksimum për të kaluar të paktën një tur dhe një si Çekiçi i “kall datën” një rivali si BATE Borisov. Aktualisht gjithçka është në kuadrin e bisedave, por një përqindje të madhe shprese, Partizani e ka.

Çekiçi mund ta shfrytëzojë Partizanin si një mundësi për të ardhur në formë maksimale, para se të firmosë me një klub të rangut të lartë, ku do të kishte shansin të shkonte me një ritëm tjetër, krahasuar me shokët e rinj të ekipit.

 





Lajmet e fundit nga