E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nuk ka gola në pjesën e parë/ Laçi dhe Bylisi kërkojnë me ngulm triumfin

11 Shtator 2022, 16:08, Sport CNA

51’ Aksion i bukur i Laçit. Nga e djathta e sulmit provon Prengaj, por topi i tij ndalet nga një mbrojtës i Bylisit.

46’ Prenga jep shkëndijën e parë në pjesën e dytë. Lojtari i Laçit godet me kokë, por topi përfundon jashtë.

46’ Nis pjesa e dytë në Laç.

Mbyllet pa gola dhe pa raste të shumta për shënim pjesa e parë e sfidës Laçi-Bylisi, që transmetohet live në "Oversport" dhe "Tibo". Kanë qenë 45 minuta të luftuara. Laçi ka nisur më mirë sfidën, por më pas edhe miqtë janë rritur dhe janë shfaqur disa herë rrezikshëm në portën e kurbinasve.

45’ Gjyqtari akordon 2 minuta shtesë.

42’ Borisjuk finalizon një aksion të gjatë të Laçit, por goditja e tij është shumë larg kuadratit.

41’ Qardaku provon nga distanca, por goditja e tij është mbi traversë.

39’ Goditje këndi për Bylisin (e katërta). Kroson Qardaku, Kaçori godet me kokë për topi përfundon jashtë.

36’ Laçi zbret nga e majta e sulmit me Adeleken, që hyn në zonë dhe fiton një këndore, por ndalet gjithçka nga gjyqtari për pozicion jashtë loje.

34’ Aksion i gjatë i Bylisit. Qardaku kroson në zonë, por Dajsinani ka gjithçka në kontroll.

30’ Laçi mundohet që të zhvendosë lojën në gjysmëfushën e Bylisit. Vendasit dominojnë lojën, por mungojnë rastet e pastra për shënim. Miqtë mbrohen mirë dhe zbresin rrezikshëm në kundërsulm sa herë që u jepet mundësia.

25’ Laçi mundohet të rrezikojë me Babatunde, por sulmuesi nuk arrin që të finalizojë.

20’ Goditje këndi për Laçin. Por vendasit nuk arrijnë të rrezikojnë portën e Bylisit.

17’ Rast i artë për Laçin. Adeleke nuk arrin të devijojë topin në rrjetë ndonëse ishte shumë pranë portës. Një pasim i Prengajt e gjen sulmuesin të vetëm në zonë, por gjuajtja e tij përfundon jashtë.

10’ Edhe Bylisi shfaqet rrezikshëm në sulm. Miqtë godasin 2 goditje këndi, që krijojnë tension në mbrojtjen e kurbinasve, por pa shqetësuar portierin Dajsinani.

6’ Laçi provon edhe me Babatunde, por nuk ka rrezik në portën e portierit Teqja.

4’ Vendasit janë më kërkues në këto minuta të para dhe mundohen që të vënë në vështirësi mbrojtjen e Bylisit.

Pas dy humbjeve radhazi në kampionat, Laçi kërkon që të reagojë në ndeshjen e sotme kundër Bylisit, duke synuar rikthimin te rezultati pozitiv. Tekniku Vukiçeviç ka bërë disa ndryshime në formacion dhe kërkon që skuadra e tij të bëjë kthesën.

Miqtë nga Ballshi u mposhtën nga kryesuesit e Partizanit javën e kaluar dhe sot kërkojnë që të rikthehen te rezultatet pozitive.

Laçi : Dajsinani, Çuçin, Velkovski, Turkaj, Alla, Borisjuk, Paterman, Babatunde, Prengaj, Adeleke, Mazrekaj. Trajner: Dejan Vukiçeviç

Bylis: Teqja, Trumci, Janku, Damçe, Loran, Maçolli, Qoshku, Lajthia, Ruçi, Qardaku, Kaçorri. Trajner: Arjan Bella