web counter
LEXO PA REKLAMA!

SHKARKO APP

App Store
Google Play

E fundit!

x

Norris triumfon në Çmimin e Madh të Singaporit, Verstappen e mbyll garën i dyti

22 Shtator 2024, 15:47, Sport CNA
Norris triumfon në Çmimin e Madh të Singaporit, Verstappen e
Lando Norris, Burimi: BBC

Lando Norris triumfon në Çmimin e Madh të Singaporit dhe arrin fitoren e tretë në karrierë.

Piloti britanik ia doli të ruante vendin e parë që nga starti, duke mos e vendosur në asnjë moment në diskutim, me Norris që zhvilloi një garë të gjithën "i vetmuar".

Një garë që të gjithë shkëlqimin e dhuroi vetëm në dritat e pistës së Singaporit, pasi emocionet dhe parakalimet munguan, teksa McLaren rikonfirmohet duke marrë fitoren e dytë radhazi.

Max Verstappen i RedBull u pozicionua në vendin e dytë, me holandezin që me përjashtim të metrave të para, nuk u kthye kurrë në një problem për Norris.

Teksa McLaren u krenua këtë fundjavë edhe me Piastri-n që u rendit në vendin e tretë, duke prekur përsëri podiumin.

Russell ia doli të ruante vendin e katërt,me pilotin e Mercedes që la pas Leclerc, me monegaskun që nuk shkoi më shumë se vendi i pestë, por mund të konsiderohet një pozicion i mirë pasi kjo fundjavë nuk ishte e lehtë për Ferrari-n.

Më pas u renditën Hamilton, Sainz, Alonso, Hulkenberg dhe Perez, teksa Magnussen dhe Albon nuk ia dolën që ta përfundonin garën.

Kjo ishte gara e 18-të e kampionatit, teksa me këtë sukses, Norris rihap totalisht garën për titullin kampion, me britanikun që mori fitoren e tretë në karrierë.

Lando tashmë koleksionon 279 pikë, 52 më pak se Verstappen, ndërsa në vendin e tretë qëndron Leclerc me 245 pikë.

McLaren shkëputet tani në krye të kalsifikimit për konstruktorë me 516 pikë, duke lënë pas RedBull-in me 475 pikë, teksa në podium qëndron Ferrari me 441 pikë./CNA





Lajmet e fundit nga