web counter
LEXO PA REKLAMA!

SHKARKO APP

App Store
Google Play

Kane: Mbyllëm një javë të shkëlqyer, me Leverkusen-in do të jetë ndryshe

22 Shtator 2024, 15:12, Sport CNA
Kane: Mbyllëm një javë të shkëlqyer, me Leverkusen-in
Harry Kane, Bayern Munich

Pas fitores 5-0 ndaj Werder Bremen, sulmuesi i Bayern Munich-ut, Harry Kane tha për mediet se kjo javë ishte e mrekullueshme.

Në fjalën e tij, sulmuesi anglez theksoi se të njëjtin stil loje duhet të tregojnë edhe në ndeshjet e tjera.

"Ishte një javë e mrekullueshme. Urime djemve për qëndrimin dhe mentalitetin e duhur. Mënyra se si luajtëm me dhe pa posedim e topit në këtë takim është stili që duam të tregojmë në ndeshjet e ardhshme”, -tha fillimisht ai.

Më tej, Kane shtoi se me Bayer Leverkusen do të jetë një ndeshje plotësisht ndryshe.

“Ne jemi Bayern Munich. Do të jetë padyshim një lojë ndryshe kundër Leverkusen-it. Ata e treguan sezonin e kaluar se sa të fortë janë. Do të jetë një ndeshje e vështirë. Duhet të tregojmë të njëjtin mentalitet dhe të njëjtën uri për sukses që treguam në takimin e fundit dhe në ndeshjet tona të mëparshme. Ne luajmë në shtëpi, është tetor dhe do të jetë një lojë e shkëlqyer”, -përfundoi Harry Kane.

Pas ndeshjes së javës së katërt të Bundesliga-s, Bayern Munich kryeson renditjen me pikët e plota./CNA





Lajmet e fundit nga