web counter
LEXO PA REKLAMA!

SHKARKO APP

App Store
Google Play

Derbi i “zjarrit”/ Inter-Milan premtojnë spektakël këtë të diel, Serie A rezervon ndeshje shumë interesante

22 Shtator 2024, 11:32, Sport CNA
Derbi i “zjarrit”/ Inter-Milan premtojnë spektakël
Derbi Inter-Milan

Ndeshja më “e zjarrtë” e Serie A, derbi Inter-Milan premton spektakël mbrëmjen e kësaj të diele, me sfidën që nis në orën 20:45 në një “San Siro” që do të jetë i tejmbushur nga tifozeritë e të dyja ekipeve.

Rivalët e përjetshëm takohen për herë të parë për sezonin e ri futbollistik, me vetëm një qëllim, triumfin për tifozët.

“Zikaltrit” dhe “kuqezinjtë” e qytetit të Milanos janë vënë përballë njëri-tjetrit në Serie A plot 180 herë, ndeshje nga të cilat 70 i ka fituar Inter-i, 56 kanë dalë barazim dhe 54 janë fituar nga Milan-i.

Ndërsa, në total në të gjitha kompeticionet këto dy skuadra janë përballur plot 239 herë, me 91 fitore të Inter-it,  69 barazime dhe 79 fitore të Milan-it.

Nëse do t’u referohemi statistikave të pesë ndeshjeve të fundit në të gjitha kompeticionet, ato flasin totalisht për skuadrën e trajnerit Simone Inzaghi, që i ka fituar të pesta.

Në derbin e “Madonnina-s”, Inter vjen pas një ecurie jo shumë pozitive në kampionat, pasi në katër javë numëron tetë pikë dhe patjetër që sonte do tentojë të marrë maksimumin e mundshëm.

Milan-i nga ana tjetër vjen në derbi pas një krize rezultatesh në kampionat, ndërsa në katër ndeshje numëron vetëm një fitore dhe ndaj “ziklatërve” do provojë të ndryshojë atmosferën e ekipit.

Sa u përket mungesave, tek Inter në derbi do mungojë vetëm Buchanan, teksa te Milan mungesat janë të shumta me trajnerin Paulo Fonseca që do duhet të bëjë pa Bennacer, pa Florenzi-n, pa Sportiello-n, pa Thiaw dhe me shumë mundësi ndoshta edhe pa kapitenin Davide Calabaria.

Megjithatë, një derbi gjithmonë sjell surpriza dhe mbetet për t’u parë se cili me Inter-it apo Milan-it do të jetë me befasues këtë të dielë.

Ndërkohë, ndeshje të tjera që luhen këtë të dielë janë Fiorentina-Lazio në orën 12:30, Monza-Bologna në orën 15:00 dhe Roma-Udinese në orën 18:00./CNA

 





Lajmet e fundit nga