web counter
LEXO PA REKLAMA!

SHKARKO APP

App Store
Google Play

E fundit!

x

“Nokaut Botëror”, “Rrëshqitje dheu në Katar”, “Një surprizë historike”, mediat e cilësojnë katastrofë Argjentinën

22 Nëntor 2022, 14:47, Sport CNA

“Nokaut Botëror”, “Rrëshqitje dheu në

“Një nokaut botëror”. Kështu është quajtur humbja e Argjentinës ndaj Arabisë Saudite. Gazeta më e madhe në vend “Ole” e ka cilësuar katastrofike paraqitjen e Messit me shokë dhe shton se tani për Argjentinën nuk ka vend për ?të ?gabuar, duke iu referuar dy ndeshjeve të ardhme në grup, me Meksikën dhe Poloninë.

Të gjitha mediat botërore në fakt e kanë cilësuar këtë disfatë të Argjentinës si befasinë më të madhe dhe vështirë që gjatë kësaj Kupe Bote të ketë surprizë më të madhe. ‘La Nación’ shkruan: “Rrëshqitje dheu në Katar” dhe thekson se “fytyrat e habisë në fushën e lojës janë të njëjta me ato në të gjithë Argjentinën.

“Goditje e fortë për Argjentinën”, citon gazeta ‘Clarín’ në faqen e saj të internetit. “Nga iluzioni i fitores në disfatën e pashpjegueshme”, – ka rrëfyer ajo në një reportazh, ku pasqyrohet ngecja emocionale e përjetuar nga tifozët. Shtypi brazilian ishte gjithashtu i befasuar për humbjen argjentinase. ‘Globosporte’ e titullon raportin e ndeshjes: “Një surprizë për historinë”.

Argjentina kishte 36 ndeshje radhazi pa humbje dhe bie në të 37-ën, duke mos barazuar dot rekordin e Italisë. Messi vërtet regjistroi një rekord me golin e shënuar me penallti, por më pas bëri shumë gabime, si kurrë në një ndeshje, jo vetëm në ekzekutime e pasime, por edhe në zotërimin e topit.





Lajmet e fundit nga