web counter
LEXO PA REKLAMA!

SHKARKO APP

App Store
Google Play

E fundit!

x

Bëri histori në Korçë, Bledi Shkëmbi kandidat për pankinën e Skënderbeut

22 Nëntor 2022, 10:05, Sport CNA

Bëri histori në Korçë, Bledi Shkëmbi kandidat

Pas pushimit, Skënderbeu kthehet në fushë. Me largimin e Migen Memellit, skuadra po drejtohet prej pjesës tjetër të stafit. Janë zv.trajneri Gentian Liçi dhe përgatitësi i portierëve Erjon Llapanji, që kanë marrë përkohësisht grupin në dorëzim.

Të paktën derisa të vijë trajneri i ri. Gjasat janë që deri në mesjavë të vijojë kështu, pasi deri të mërkurën do të jetë vendosur se çfarë do të bëhet me çështjen e stolit.

Për këtë rol vazhdon të jetë në “pole” Ivan Gvozdenoviç. Ardjan Takaj është fiksuar pikërisht me serbin dhe biseda që kanë zhvilluar të premten e ka bindur se ai mund të jetë i duhuri.

E megjithatë, nuk është i vetmi opsion. Me kohë është përmendur edhe Ardian Mema, që mund të jetë një alternativë, nëse ish-mbrojtësi nuk bëhet. E megjithatë, emër surprizë është një tjetër.

Një ditë më parë mbeti pa punë, por direkt është lakuar në Korçë.

Bëhet fjalë për Bledi Shkëmbin, të saposhkarkuar nga durrsakët e “Abissnet Superiore”. Ai është kandidat për këtë pozicion dhe nëse ndodh, do të ishte hera e parë që ish-kapiteni do drejtonte ekipin ku ka bërë histori si futbollist dhe fitoi gjithçka.

Deri më tani ai ka pasur “timonin” e kosovarëve të Lirisë e Ballkanit apo edhe Dinamos e Teutës në Shqipëri, por kurrë nuk e ka drejtuar Skënderbeun. Gjithsesi, ditë e ardhshme do të zbardhim shumëçka rreth pankinës.

 





Lajmet e fundit nga