web counter
LEXO PA REKLAMA!

SHKARKO APP

App Store
Google Play

E fundit!

x

Goditje për Vllazninë, titullari i shkodranëve do të mungojë gjatë për shkak dëmtimi

22 Nëntor 2022, 10:11, Sport CNA

Vllaznia u është rikthyer ditën e djeshme përgatitjeve pas pushimit njëjavor. Shkodranët i mbyllën këto 12 javë kampionat brenda pritshmërive dhe vijnë me një moral disi të lartë.

Ky pushim pritet t’i vijë në ndihmë trajnerit Mirel Josa për të rregulluar sa të mundet diçka në skuadrën që ai e drejton prej disa muajsh.

Kështu, mbeten për t’u parë ndryshimet që skuadra do të bëjë pas këtyre ditëve përgatitje, të paktën në katër javët e mbetura deri në hapjen e merkatos.

Dje ekipi ishte pak a shumë i plotë në stërvitje me përjashtim të mbrojtësit të qendrës Darko Bulatoviç, i cili nga sa mësohet i është nënshtruar një ndërhyrjeje kirurgjikale pas një problemi që ka pasur rrëzë kofshës.

Ai me siguri nuk do të jetë i gatshëm në takimet e këtij fundviti. Nga sa mësohet lojtari ka pasur edhe më herët këtë shqetësim, madje mësohet se ka luajtur me këtë problem në dy përballjet si ndaj Kukësit e po ashtu edhe ndaj Tiranës, madje, duke qenë një nga lojtarët më të mirë për skuadrën e tij.





Lajmet e fundit nga