web counter
LEXO PA REKLAMA!

SHKARKO APP

App Store
Google Play

E fundit!

x

Nga Ançeloti te Ançeloti, Reali mendon rokadën e bujshme që bën të lumtur… Brazilin

8 Mars 2023, 21:39, Sport CNA

“Los Blancos” nuk po kalojnë momentin e tyre më të mirë në sezon edhe pse matematikisht janë në garë në të gjithë kompeticionet. Në këtë situatë, të gjithë sytë janë drejtuar nga një person i vetëm, Karlo Ançeloti. E ardhmja e trajnerit është ende në pikëpyetje, për më shumë pas lajmeve që kanë ardhur nga Brazili për një marrëveshje të tij me federatën e futbollit të këtij vendi për të marrë drejtimin e “Seleçaos”.

Natyrisht, nëse Karlo nuk do të arrijë të sjellë të tjerë trofe – Reali ka fituar Botërorin e Klubeve – deri në mbyllje të sezonit nuk përjashtohet largimi i tij, ndonëse sipas kontratës italiani duhet të vijojë punën në Madrid deri në vitin 2024. Mungesa e stabilitetit në këtë sezon ka prekur figurën e italianit dhe në Madrid po marrin parasysh dhe shkarkimin e mundshëm të tij nga drejtuesit “Merengues”. Tani për tani, klubi ka besim të plotë te trajneri, por Karleto është i detyruar të fitojë tituj për të vazhduar.

Ndërsa sezoni vazhdon, në Madrid kanë nisur të shfaqen disa emra si trajnerë-hije dhe njëri prej tyre është në shtëpi, Davide Ançeloti, djali dhe ndihmësi i Karlo Ançelotit. Sipas “Deportes Cuatro”, ndihmësi i trajnerit të Realit është një nga shtyllat e skuadrës dhe puna e tij është pëlqyer nga drejtuesit e klubit. Davide është shumë i përfshirë në lojën e ekipit dhe është mbështetja kryesore e Karlos. Përveç kësaj, djali i Ançelotit vlerësohet dhe respektohet shumë nga skuadra. Për momentin te Reali nuk ka asnjë ngutje dhe vendimi për Ançelotin do të merret sapo të përfundojë sezoni.





Lajmet e fundit nga