web counter
LEXO PA REKLAMA!

SHKARKO APP

App Store
Google Play

Trajneri italian: Hoqa dorë nga kontrata me Partizanin, jam gati për Serinë A

8 Mars 2023, 18:44, Sport CNA

Adolfo Sormani kërkon të drejtojë në futbollin e rëndësishëm italian. Ish-trajneri i Partizanit, i cili ka drejtuar në dy periudha të ndryshme të kuqtë, ka treguar në një intervistë për mediat italiane se tani është gati të marrë përsipër një projekt të ri në vendlindje, pas eksperiencave që ka pasur në vende të ndryshme si Anglia, Shqipëria, Danimarka e Kina.

Sormani, pas largimit nga Partizani, në vitin 2021 mori drejtimin e një skuadre në Serinë D, Lavele. Por projekti rezultoi i dështuar pasi ekipi nuk ia doli të bënte diferencën duke u ngjitur më lart, siç e pranon edhe vetë trajneri italian.

“Do të jem i sinqertë, ishte një zgjedhje e gabuar. Kur ishte pandemia, unë dhe stafi im vendosëm të hiqnim dorë nga akordi trevjeçar që kishim firmosur me Partizanin për t’u kthyer në Itali dhe pranuam atë propozim, të bindur se mund të bëhej diçka e rëndësishme. Nuk mendoj se duhet specifikuar që nuk shkoi kështu…

Pa mburrje, pas eksperiencave që kam bërë, do të ndjehesha gati për të drejtuar në çdo nivel në Itali, qoftë edhe Seria A. Por jam i ndërgjegjshëm që për të rihyrë në panoramën e futbollit italian, duhet gjetur zgjidhja e duhur për të shprehur idetë. Kjo është ajo që ka në të vërtetë rëndësi”, u shpreh ish-trajneri i Partizanit.





Lajmet e fundit nga