web counter
LEXO PA REKLAMA!

SHKARKO APP

App Store
Google Play

E fundit!

x

Në Shkodër fiton mërzia, Vllaznia dhe Dinamo lënë të hapur kualifikimin

2 Prill 2025, 20:54, Sport CNA

Në Shkodër fiton mërzia, Vllaznia dhe Dinamo lënë

Vllaznia dhe Dinamo barazuan pa gola në ndeshjen e parë, të vlefshme për gjysmëfinalen e Kupës së Shqipërisë.

Në “Loro Boriçi” të Shkodrës, dy ekipet u kujdesën më shumë për të mos pësuar, sesa për të shënuar.

Në pjesën e parë, përveç golave, munguan edhe rastet e pakta. 20 minutat e para ishin të qetë, me dy ekipet që vetëm qarkullonin topin. Shkëndijën e parë e dha Lorenco Vila, kur provoi me finte, por topi u ndal nga portieri Jukaj dhe më pas u akordua pozicion jashtë loje.

Në minutën e 23-të, Qefalija provoi me një gjuajtje nga goditja e dënimit, me topin që shkoi në duart e portierit vendas.

Me goditje dënimi provoi rrezikun e parë edhe Vllaznia. Tentativa e mbrojtësit Jago shkoi mbi portën e mbrojtur nga Teqja.

Rasti më i mirë i pjesës së parë u regjistrua në minutën e 39-të. Baton Zabërgja zhgënjeu miqtë, pasi shpërdoroi një mundësi ideale.

Sulmuesi mori një dhuratë nga lojtarët e Vllaznisë, duke dalë i vetëm me Jukajn, por me portën e boshatisur nuk shënoi dot.

Pjesa e parë u mbyll pa gola, ndërsa e dyta nisi me Dinamon më kërkuese. Zabërgja provoi me një gjuajtje të menjëhershme në minutën e 49-të, e cila përfundoi mbi portë.

Ildi Gruda kishte rastin e shkëlqyer në minutën e 54-t, kur kaloi një kundërshtar dhe u shfaq i vetëm me portierin, por gaboi gjithçka me gjuajtjen e tij me të majtën.

Te Vllaznia nuk i besuan syve, pasi ishte rasti më i pastër për ta. Shkodranët morën kontrollin dhe rrezikuan dy herë me Çobën, por pa sukses.

Në krahun tjetër, Dinamo provoi me Jonuzin, tentativa e të cilit nuk kishte koordinatat e duhura.

Në fund dy ekipet u detyruan të kënaqen me barazimin dhe finalistja e parë do të vendoset në sfidën e kthimit, aty ku ka mbetur gjithçka e hapur.  





Lajmet e fundit nga