web counter
LEXO PA REKLAMA!

SHKARKO APP

App Store
Google Play

Muajt e fundit te Interi, Asllani drejt kalimit te rivalët në Serinë A

1 Prill 2025, 22:39, Sport CNA

Muajt e fundit te Interi, Asllani drejt kalimit te rivalët në

Kristjan Asllani pritet të jetë një nga emrat më të përfolur në merkaton e ardhshme verore, me të ardhmen e tij te Interi që mbetet ende e pasigurt. Edhe pse dëshira e mesfushorit shqiptar është të qëndrojë edhe një sezon tjetër me zikaltërit, aktivizimi i tij i kufizuar gjatë këtij sezoni e bën një largim të mundshëm skenar real. Për këtë arsye, këto mund të jenë dy muajt e fundit të Asllanit me fanellën e Interit, me mundësinë e një transferimi në një klub tjetër të Serisë A që duket gjithnjë e më e mundshme.

Nga klubet që kanë shfaqur interes për shërbimet e tij, në krye të listës qëndron Bologna, ekipi i drejtuar nga Vicenzo Italiano. Skuadra kuqeblu po kalon një sezon të shkëlqyer dhe aktualisht renditet në vendin e katërt në Serinë A. Nëse arrin të sigurojë një vend në Champions për sezonin e ardhshëm, atëherë klubi kuqeblu do të synojë të forcojë mesfushën dhe Kristjan Asllani është një nga emrat që pëlqehet më shumë nga drejtuesit e klubit.

Mediat italiane raportojnë se Bologna është e gatshme të hyjë në negociata me Interin për transferimin e Asllanit. Një nga opsionet e mundshme është përfshirja e tij në marrëveshjen për të sjellë mesfushorin Fabian ose lojtarin argjentinas Nicolas Castro në radhët e zikaltërve gjatë merkatos së verës. Në këtë mënyrë, Interi do të përfitonte një lojtar të ri për mesfushën, ndërsa Asllani do të gjente më shumë hapësirë për lojë në një ekip që e vlerëson më shumë. 





Lajmet e fundit nga