E fundit!

09:35 Opinione Bujar Leskaj

Bojkoti është gjithnjë gabim

Bojkoti i djeshëm nga Partia Demokratike i seancës plenare...

Skënder Gega i jep fund dilemave, zbulon detajet e kontratës

2 Prill 2025, 18:36, Sport CNA

Fitorja ndaj Laçit, në debutimin e trajnerit Skënder Gega, ka rikthyer entuziazmin te Partizani. Të kuqtë duan një tjetër sukses, këtë herë në Kupë.

Kryeqytetasit përballen me Egnatian, në një takim ku spektakli është i garantuar, për shkak se përballen dy ekipe që shihen si pretendente për trofeun.

Në prag të kësaj përballje, trajneri i Partizanit, Skënder Gega deklaroi se kjo ndeshje është si finale dhe ekipi i tij do përpiqet të bëjë më të mirën.

"Kam 2 -3 ditë që kam patur mundësi të punoj me ekipin edhe pas ndeshjes me Laçin. Ndeshja ishte leksion më vete sepse është ndryshe në stërvitje ndryshe shprehen , hapësirat janë të ndryshme , presioni është i ndryshëm dhe ndryshe është në lojë. Për fatin e mirë nuk u ndëshkuam me Laçin në ato momente tona të këqija, por reaguam në pjesën e dytë. Eshtë shenjë e mirë për mua si trajner. Nesër udhëtojmë në Rrogozhinë, është një ekip kampion, është një ekipi i mirë kanë investuar. Besoj se po fillojnë të krijojnë historinë e vet si ekipi, si qytet, si tifozeri dhe ne i respektojmë. Deri ditën e nesërme kemi kohë ti diskutojmë gjërat pak më hollësishëm me ekipin. Kemi nxjerr edhe konkluzionet deri diku të ndeshjes së kaluar. Eshtë ndeshje kupe por do ti marrim të gjitha si finale. Nesër është Kupa luajmë gjysmën e duelit dhe do të luajmë deri në fund kemi edhe takimin e kthimit në shtëpi. Shkojmë atje për të bërë më të mirën."

Gega ndër të tjera zbuloi edhe detaje nga kontrata, duke thënë se ka firmosur me Partizanin për dy vite.

"Në Shqipëri kurioziteti është i madh. Ishte koha shumë e shkurtër dhe nuk mund të pasqyronim çdo gjë. Me presidentin Demi dhe klubin kemi rënë dakort të firmosim një kontratë 2 vjeçare. Do jem për dy vite pjesë e projektit të Partizanit dhe jam shumë i lumtur që është kjo hapësirë dhe shpresoj që gjërat të shkojnë sa më mirë , sa më gjatë.'

I lumtur për emërimin e Gegës u shfaq edhe portieri Alban Hoxha, i cili theksoi se ishte zgjedhja më e mirë që mund të bënte klubi.

" Padiskutim që është zgjedhja më e mirë që klubi ka bërë, sepse është personi që e njeh shumë mirë ambjentin dhe mentalitetin e Partizanit. Unë besoj se do bëj mirë. Tani për ne ka nisur një faqe e re, ta harrojmë atë çfarë kaloi. E treguam që në ndeshjen me Laçin, sigurisht që duhet akoma të punojmë në vazhdim. Mendoj që jemi në rrugën e duhur. Eshtë ndeshje e vështirë. Çdo ndeshje në këtë moment është e vështirë. Ne do mundohemi të japim maksimumin në këtë ndeshje. Sfida e parë luhet në Rrogozhinë dhe kjo është gjë e mirë, sepse ndeshjen e kthimit e luajmë në shtëpinë tonë. Të japim më të mirën që në ndeshjen e parë për ta patur më të lehtë ndeshjen e kthimit."

Ndeshja Egnatia-Partizani do të luhet mbrëmjen e kësaj të enjte, duke nisur nga ora 19:00 në stadiumin e Rrogozhinës.