web counter
LEXO PA REKLAMA!

SHKARKO APP

App Store
Google Play

Ndeshjet e ditës/ Katër skuadra në fushë, Superiorja është “zjarr”

14 Shtator 2023, 09:54, Sport CNA

Superiorja ditën e sotme është “zjarr”. Dy takime shumë të rëndësishme dhe mjaft të luftuara do të luhen në kuadër të javës së 3-të të kampionatit. Në fushë do të zbresin ekipet që mbajnë vendet e para në tabelën e klasifikimit.

Gjithçka do të nisë me duelin mes Tiranës dhe Skënderbeut, sfidë që starton në orën 15:00 dhe luhet në “Selman Stërmasi”. Bardheblutë pas barazimit me Teutën do të synojnë që të ndalin hapin e Skënderbeut. Nga ana tjetër korçarët janë më të motivuar se kurrë për të marrë një tjetër 3-pikësh që do t'i bënte sërish liderë të klasifikimit.

Ndërkohë në orën 18:00 do të jetë radha e skuadrës tjetër kryeqytetase për të zbritur në fushë dhe për të kërkuar 3 pikët. Partizani ka udhëtuar në Shkodër për të sfiduar Vllazninë në “Loro Boriçi”. Një tjetër duel që pritet të jetë i luftuar, pasi të dyja ekipet kanë pretendime të larta këtë sezon.

Shkodranët do të kërkojnë të rikthehen te fitorja në kampionat pas barazimit me Erzenin javën e dytë, ndërsa nga ana tjetër "demat" duan fitoren e dytë rresht në kampionat. Kujtojmë se të kuqtë kanë dhe një ndeshje më shumë për të luajtur, atë ndaj Teutës për llogaritë e javës së parë, e cila u shty pa afat për shkak të pjesëmarrjes së tyre në Conference League.





Lajmet e fundit nga