web counter
LEXO PA REKLAMA!

SHKARKO APP

App Store
Google Play

Ndeshja me Islandën/ Etrit Berisha: Dështim nëse nuk fitojmë grupin

5 Qershor 2022, 21:32, Sport CNA
Ndeshja me Islandën/ Etrit Berisha: Dështim nëse nuk fitojmë
Etrit Berisha

Kapiteni i përfaqësueses shqiptare, Etrit Berisha, e ka cilësuar ndeshjen e parë ndaj Islandës në Ligën e Kombeve si të rëndësishme për ecurinë e kuqezinjve.

Në konferencën për shtyp, ai theksoi se përtej fitores së grupit, çdo gjë tjetër mund të cilësohej dështim.

“Besoj se kemi pasur kohë mjaftueshëm për të përgatitur këtë ndeshje. Besoj se jemi gati, kemi bërë përgatitjet e fundit dhe shpresojmë të bëjmë ndeshje të bukur. Edhe në ndeshjet e kaluara kemi treguar një futboll të mirë, sidomos edhe në ndeshjen ndaj Spanjës ku luajtëm futboll të zgjuar.

Edhe nesër na duhet një ndeshje e tillë, se ekipi kundërshtar është i mirë, sidomos fizikisht, por ne duhet të hyjmë në ndeshje për të fituar lojën e pastaj na hapet rruga për kualifikim.

Këtu Islanda është gjithmonë e rrezikshme, kemi parë edhe ndeshjen e fundit në Izrael, ku ishin duke fituar. Kanë lojtarë që mund të bëjnë diferencën, ne duhet të shohim rrugën tonë, jemi të përgatitur, kemi kualitet dhe kemi mundësi të mira për të fituar.

Unë edhe me Rusinë në garë, mund të them se ne dhe Rusia ishim në garë për të fituar grupin dhe tani është e njëjta gjë. Ne duhet të shkojmë për t’u kualifikuar, jo vetëm të kalojmë grupin, por edhe të kualifikohemi në Europian se është dëshira e të gjithëve dhe për këtë punojmë, çdo gjë tjetër do të ishte dështim. Sepse kemi mundësinë, lojtarët e grupin, duhet të besojmë e fati duhet të na ndihmojë të ecim përpara.

Shpresoj të jetë ndryshe nga vizita e parë e imja këtu se e thashë që Islanda është një skuadër e vështirë sidomos në shtëpi, luan një futboll shumë fizik. E kujtoj mirë ndeshjen e parë me Islandën, ishte shumë e vështirë, ndoshta kishin individë shumë cilësorë në ndeshje. Aty na u thyen shpresat që kishim për Botërorin, shpresoj që tani të jetë e kundërta dhe këtu të fillojë gjithçka dhe pas një rrugëtimi të gjatë të kualifikohemi”, tha Berisha. /CNA.al





Lajmet e fundit nga