web counter
LEXO PA REKLAMA!

SHKARKO APP

App Store
Google Play

E fundit!

x

Ndaj Ukrainës luhet për gjithçka/ Skenarët e Kombëtares, nga vendi i parë, te rënia në Ligën C

18 Nëntor 2024, 11:45, Sport CNA
Ndaj Ukrainës luhet për gjithçka/ Skenarët e
Kombëtarja

Kombëtarja shqiptare e futbollit do të zbresë të martën në stadiumin “Air Albania” për të luajtur takimin e fundit të fazës së Ligës në Ligën e Kombeve, atë ndaj Ukranisë.

Ndërsa jemi në prag të sfidës Shqipëri-Ukrainë, që nis në orën 20:45 të martën, e gjithë vëmendja kthehet te skenarët e mundshëm të “kuqezinjve” në Grupin B1.

Rezultati pozitiv është një domosdoshmë për skuadrën e Sylvinho-s, jo vetëm për të synuar ngjitjen në Ligën A, por edhe për qëndrimin në Ligën B, duke qenë se në këtë grup çdo alternativë duket e mundshme.

Shqipëria renditet momentalisht në vendin e tretë me shtatë pikë, po aq sa Gjeorgjia e vendit të dytë dhe një pikë më pak se Çekia kryesuese, si dhe dy pikë më shumë se Ukraina e vendit të fundit.

Fitorja do t’i siguronte Shqipërisë vendin e dytë në grup, nëse do ketë po ashtu fitues në takimin mes Çekisë dhe Gjeorgjinë.

Në një situatë të tillë Kombëtarja “kuqezi” do të tentonte kalimin në Ligën A me anë të “Play-Off” që luhet në mars.

Megjithatë, nëse Shqipëria mposht Ukrainën dhe në sfidën tjetër nëse Çekia e Gjeorgjia ndahen me barazim, skuadra e Sylvinho-s kalon direkt në Ligën A.

Ndërkohë, kthehemi nga skenari më negativ i mundshëm, nëse Ukraina fiton në “Air Albania”, atëherë Shqipëria do të rrëzohej në Ligën C.

Skenari i fundit është ai i një barazimi me Ukrainën dhe pavarësisht rezultatit të ndeshjes tjetër, Çeki-Gjeorgji, Shqipëria do i mbyllte këto përballje në vendin e tretë dhe këtë rast sërish do të ndeshet gjatë muajit mars, me një nga ekipet e renditura të dytat në Ligën C, për të ruajtur qëndrimin në Ligën B.

E gjitha varet nga ndeshja me Ukrainën, që këtë të martë vendos fatin e Shqipërisë në Ligën e Kombeve./CNA





Lajmet e fundit nga