web counter
LEXO PA REKLAMA!

SHKARKO APP

App Store
Google Play

E fundit!

x

Liga e Kombeve/ Kosova zbret sot në “Fadil Vokrri”, kërkohet triumfi i tretë ndaj Lituanisë

18 Nëntor 2024, 08:29, Sport CNA
Liga e Kombeve/ Kosova zbret sot në “Fadil Vokrri”,
Kosova

Përfaqësuesja e Kosovës zbret këtë të hënë në stadiumin “Fadil Vokrri”, për të luajtur takimin e gjashtë dhe të fundit të fazës së Ligës në Ligën e Kombeve.

Skuadra “Dardane” do të ndeshet, duke nisur nga ora 20:45, me ekipin e Lituanisë.

Kjo është hera e tretë që Kosova dhe Lituania vendosen përballë njëra-tjetrës, me të dyja takimet e para që janë fituar nga “Dardanët”, me rezultatet 1-2 në transfertë dhe 4-0 në shtëpi.

Në këtë përballje Kosova vjen pas takimit shumë të diskutuar me Rumaninë, që nuk u mbyll për shkak se ekipi i trajnerit Franco Foda u largua nga fusha e lojës në minutën e 90+5’, prej sulmeve dhe gjuhës raciste të tifozerisë vendase.

Megjithatë, përpara takimit me Rumaninë, Kosova kishte marrë tri fitore radhazi dhe këtë të hënë në Prishtinë do kërkojë të ruajë trendin.

Ndërkohë, Lituania nga ana tjetër nuk ka marrë asnjë pikë në Ligën e Kombeve dhe ndaj Kosovës do provojë të marrë një rezultat nderi.

Kosovë-Lituani luhet këtë të hënë duke nisur nga ora 20:45 në stadiumin “Fadil Vokrri” në Prishtinë./CNA





Lajmet e fundit nga