web counter
LEXO PA REKLAMA!

SHKARKO APP

App Store
Google Play

E fundit!

x

Myrto Uzuni, me çmim "okazion". Ulet klauzola e sulmuesit shqiptar

13 Prill 2024, 11:37, Sport CNA

Myrto Uzuni, nuk po kalon një sezon ashtu siç do të dëshironte në La Ligën spanjolle.

Paraqitjet e sulmuesit shqiptar, po shkojnë në sinkron edhe me formën e dobët të Granadës në kampionat. Futbollisti beratas do të ndryshojë ekip në merkaton e verës dhe aktualisht po studion alternativat.

Me rënien e Granadës në La Liga 2, pritet që nga skuadra të largohen shumë lojtarë, një ndër ta edhe Uzuni.

Sulmuesi i Kombëtares shqiptare ka qenë një nga shtyllat e skuadrës, por çmimi i tij do të ulet. Thënë ndryshe, klauzola e largimit nuk do të jetë më 25 milionë euro, siç ishte në La Liga, por me rënien në kategorinë e dytë, klauzola e largimit do të jetë 12 milionë euro.

28-vjeçari është një nga pasuritë e mëdha të klubit spanjoll, pasi nga koha kur është afruar, ka regjistruar rekorde të shumta, duke u kthyer ne një nga lojtarët më të kushtueshëm dhe më të rëndësishëm për klubin.

Vlera e tij është trefishuar që kur ka veshur fanellën e Granadës, ku sipas “Transfermarkt” ka shkuar nga 3 milionë euro në 10 milionë euro. Ulja e klauzolës në 12 milionë euro, e kthen  Uzunin në një mundësi të mirë për shumë klube që tashmë janë interesuar për sulmuesin, si në La Liga, ashtu edhe në vende të tjera si Italia dhe Gjermania. Më herët, për Uzunin është thënë se ka interes skuadra e Sevillës, me andaluzianët, që kanë gati 9 milionë euro.

Uzuni ka kontratë deri në vitin 2027, prandaj opsionet që ai të largohet janë, të paguhet klauzola ose të arrihet  marrëveshje me Granadën.

Te klubi spanjoll, shpresojnë se Uzuni mund të shkëlqejë në Europian me Shqipërinë dhe kjo do i bënte ata që të rrisnin më shumë pretendimet.

Në sezonin aktual, Uzuni në 29 ndeshje në La Liga, numëron 9 gola të shënuar, shumë larg statistikave të një sezoni më parë, ku në La Liga 2, shënoi 23 gola në 38 ndeshje të zhvilluara.





Lajmet e fundit nga