web counter
LEXO PA REKLAMA!

SHKARKO APP

App Store
Google Play

E fundit!

x

Makina u përfshi nga flakët, reagon Hysaj: Ja çfarë ndodhi

12 Prill 2024, 16:46, Sport CNA

Makina u përfshi nga flakët, reagon Hysaj: Ja çfarë ndodhi

Mbrojtësi i Kombëtares, Elseid Hysaj, ka sqaruar ngjarjen, pas lajmeve se makina e tij “Ferrari” u përfshi nga flakët.

Futbollisti shqiptar, shkruan se makina me të cilën po udhëtonte, shfaqi një defekt dhe nga kjo erdhi zjarri. Megjithatë ai sqaron se për fat të mirë nuk kishte probleme në njerëz dhe nuk ishte aksident rrugor.

“Disa media raportuan lajme në lidhje me një ngjarje të ndodhur pak ditë më parë. Dua të theksoj se jam mirë, por edhe njerëzit që ishin me mua janë mirë.

Një defekt në makinë shkaktoi ndezjen e zjarrit teksa isha duke ecur përgjatë një rrugë, menjëherë kam bërë një bilanc të situatës dhe jam ndalur në një vend të sigurt.

Për fat të mirë pa asnjë dëmtim në njerëz apo mjete të tjera. Nuk ishte një aksident rrugor, e bëj të qartë se gjithçka është në rregull dhe jam i fokusuar te ndeshja e sotme. Faleminderit të gjithëve për mesazhet tuaja”, shkruan ai.

Sonte në mbrëmje në orën 20:45, Lazio do të presë në shtëpi Salernitanën në ndeshjen e vlefshme për raundin e 32-të në Serinë A.

Makina u përfshi nga flakët, reagon Hysaj: Ja çfarë ndodhi
Reagimi i Hysajt




Lajmet e fundit nga