web counter
LEXO PA REKLAMA!

SHKARKO APP

App Store
Google Play

E fundit!

x

Momenti vendimtar për të ardhmen e Armando Brojës

25 Korrik 2022, 08:07, Sport CNA
Momenti vendimtar për të ardhmen e Armando Brojës
Armando Broja

Kjo javë pritet të jetë vendimtare për të ardhmen e Armando Brojës. Sulmuesi i përfaqësueses shqiptare do të zhvillojë bisedimet në të cilat do të vendoset përfundimisht nëse ai do të mbetet pjesë e Çelsit apo nëse do të transferohet në një ekip tjetër.

Djaloshi mori kërkesa të shumta gjatë kësaj vere, por trajneri Tomas Tuhel i ka kërkuar që të mos ngutet, pasi dëshiron që ta ketë pjesë të ekipit të tij.

Situata është paksa e komplikuar për shkak të mungesës së largimeve të lojtarëve si Batshuai e Verner që kanë prioritet për momentin për klubin, pasi nuk dëshiron t’u ulë vlerën.

Por kjo pritje ka bërë edhe që Broja të humbasë mundësi të mira, siç ishte ajo e Uest Hemit, skuadër e cila në fund zgjodhi italianin Skamaka në vend të shqiptarit.

Mediat angleze kanë raportuar se tërheqja e Uest Hemit i ka hapur rrugë Evertonit dhe Njukasëllit, të cilat do të bëjnë ofertat e tyre zyrtare për futbollistin. Por gjithçka do të përcaktohet me saktësi gjatë kësaj jave, kur Broja të takohet në zyrat e klubit me trajnerin Tuhel dhe me drejtues të tjerë të londinezëve.

Çelsi mbylli turneun në SHBA dhe është kthyer sot në Angli, teksa mediat britanike raportojnë se një nga prioritetet e fillimit të javës së përgatitjeve në Londër, do të jetë pikërisht biseda me sulmuesin shqiptar për t’i dhënë fund një telenovele të mirëfilltë që e ka mbajtur peng.





Lajmet e fundit nga