web counter
LEXO PA REKLAMA!

SHKARKO APP

App Store
Google Play

E fundit!

x

FORMULA 1/ Vershtapen triumfon në Francë dhe arratiset për titullin, Lëklerk e mbyll në barriera

24 Korrik 2022, 18:18, Sport CNA

Maks Vershtapen duket se po marshon drejt titullit të dytë kampion radhazi në Formulën 1. Piloti holandez i Red Bull ka fituar sot në Çmimin e Madh të Francës dhe ka thelluar diferencën me ndjekësin më të afërt, Sharl Lëklerk, i cili përplasi Ferrarin e tij me barrierat dhe e mbylli pa pikë garën.

Në fakt, piloti i Ferrarit i bëri një nisje fantastike garës duke kaluar Vershtapenin në start dhe duke e mbajtur për shumë xhiro mbrapa pilotin e Red Bull. Ky i fundit ndryshoi strategji dhe u fut në bokse, ndërsa Lëklerk mbeti jashtë duke u munduar të administronte gomat. Por një manovër e gabuar në xhiron e 18 e nxori nga pista duke e përplasur makinën me barrierat, e kështu duke ia bërë më të thjeshtë ndjekësve.

Hyrja e makinës së sigurisë bëri që të plotësoheshin shpejt ndryshimet në bokse e kështu, Vershtapen e pa veten në vendin e parë, para Hamiltonit dhe Perezit. Pozicionet nuk do të ndryshonin deri në xhirot e fundit, kur një makinë sigurie virtuale ndihmoi Rasëll të kalonte Perez dhe t’i rrëmbente vendin e tretë pikërisht kur mbeteshin dy xhiro deri në fundin e garës.

Vendi i pestë i shkoi Sainz me makinën e dytë Ferrari, pasi zhvilloi një garë spektakolare, teksa u nis nga vendi i 19 dhe ishte protagonist i shumë parakalimeve derisa arriti në këtë pozicion. Alonso mori vendin e 6, i ndjekur nga Norris, Okon, Riçiardo dhe Stroll të cilët plotësuan zonën e pikëve.

Pas garës së sotme, Verstapen ka një avantazh prej 69 pikësh ndaj Lëklerk në renditjen e përgjithshme të pilotëve, duke krijuar një distancë të ndjeshme sigurie në luftën për titullin kampion.





Lajmet e fundit nga