web counter
LEXO PA REKLAMA!

SHKARKO APP

App Store
Google Play

E fundit!

x

Miqësoret/ Laçi “poker” Kastriotit, Dinamo mposht Teutën. Ndalet Kukësi

3 Dhjetor 2022, 20:32, Sport CNA

Katër ekipe të Superiores, kanë zhvilluar takime miqësore ditën e sotme. Laçi mposhti 4-0 Kastriotin, përballje ku Vasil Shkurtaj realizoi një dygolësh, ndërkohë që shënoi edhe Serxho Ujka me penallti.

Sfidë me gola ishte edhe ajo mes Egnatias dhe Luzit. Djemtë e Shpëtim Duros, triumfuan 4-2 falë golave të Abdurrahman Fangajt, Jurgen Goxhajt, brazilianit Joel dhe Skerdilajd Levendit.

Kukësi nuk shkoi më shumë se barazimi i bardhë 0-0 ndaj Drenicës, kuqezinjve që garojnë në elitën e futbollit dardan, ndërsa Dinamo mposhti Teutën. 18 herë kampionët e Shqipërisë, fituan 1-2 falë golave të Indrit Prodanit dhe brazilianit Da Silva.

Ndërkohë, golin e bregdetarëve e realizoi mbrojtësi Artan Jazxhi. Feston edhe Flamurtari në derbin ndaj Labërisë. Kuqezinjtë fituan 1-0 falë golit të brazilianit Matheus Iacovelli.

Miqësoret e sotme

Laçi-Kastrioti 4-0 (Shkurtaj 2x, Ujka pen)
Egnatia-Luzi 4-2 (Fangaj, Goxha, Joel, Levendi / Dushaj, Merdini)
Kukësi-Drenica 0-0
Teuta-Dinamo 1-2 (Jazxhi/ Prodani, Da Silva)
Flamurtari-Labëria 1-0 (Iacovelli)





Lajmet e fundit nga