LEXO PA REKLAMA!

SHKARKO APP

Kimioterapia nuk funksionoi/ Legjenda Pele nis terapinë intensive

3 Dhjetor 2022, 17:45, Sport CNA
Kimioterapia nuk funksionoi/ Legjenda Pele nis terapinë intensive
Pele

Legjenda e futbollit brazilian Pele po merr kujdes paliativ, pasi kimioterapia nuk kishte rezultatet e pritura teksa ai luftonte me kancerin e zorrës së trashë, raporton gazeta Folha de S.Paulo.

Pele, 82 vjeç, i cili konsiderohet gjerësisht si një nga futbollistët më të mëdhenj të të gjitha kohërave, u shtrua në spital të martën për të marrë trajtimin e tij të kancerit por më pas u diagnostikua me një infeksion të frymëmarrjes, sipas raporteve mjekësore.

Folha de S.Paulo raportoi se kimioterapia tani ishte pezulluar dhe se Pele ishte nën kujdesin paliativ, duke u trajtuar vetëm për simptomat dhe dhimbjet e herë pas hershme.

Legjenda e Brazilit u shtrua në terapi intensive. Tashmë të gjithë presin të mësojnë nga burimet zyrtare në spital se si është gjendja e ish-sulmuesit të famshëm, teksa më parë nga institucioni ishte raportuar se gjendja e tij ishte stabël dhe se organet jetësore funksiononin normalisht./CNA.al

Lajmet e fundit nga