LEXO PA REKLAMA!

SHKARKO APP

Holanda “fluturon” në çerekfinale, SHBA eliminohet mes katër golave

3 Dhjetor 2022, 18:05, Sport CNA
Holanda “fluturon” në çerekfinale, SHBA eliminohet mes

 

Holanda është çerekfinalistja e parë e Botërorit të Katarit. “Tulipanët” mundën 3-1 SHBA-në në ndeshjen e vlefshme për fazën 1/16, takim ky që rezultoi më i lehtë se ç’pritej për ekipin e Van Gaal.

Holandezët e zgjidhën ndeshjen që në pjesën e parë, me dy gola “fotokopje” për nga mënyra e të shënuarit. Dumfries dërgon një top nga krahët për Depayn, i cili nuk fal. Po lojtari i Interit, Dumfries provon sërish të njëjtën skemë dhe sërish rezulton e suksesshme në minutën e 45-të, por këtë herë është Blind ai që realizon.

Në pjesën e dytë, amerikanët u kujdesën veçanërisht që mos të pesojnë më shumë dhe jo për të rihapur takimin.Goli i Wright ishte i ngushëllimit, pasi Dumfries do vuloste përfundimisht fatet e takimit dhe kualifikimit, njëkohësisht.

Përfundon këtu aventura e SHBA në Katar, pas një faze grupesh që mund të konsiderohen pozitive por në fund ekipi i Berhalter tregoi limitet e veta.

Lajmet e fundit nga