web counter
LEXO PA REKLAMA!

SHKARKO APP

App Store
Google Play

"Çmenduri" në Serie A, katër ekipe luftojnë për një vend

5 Maj 2025, 17:29, Sport CNA

"Çmenduri" në Serie A, katër ekipe luftojnë

Pas Napolit dhe Interit, edhe Atalanta është shumë pranë arritjes së objektivit për të marrë pjesë në edicionin 2025-2026 të Ligës së Kampionëve.

Fitorja në transfertë kundër Monzës e ka çuar skuadrën bergamaske në kuotën e 68 pikëve, pesë më shumë se ndjekësit më të afërt: Juventus, Roma dhe Lazio, të cilat kanë nga 63 pikë. Vetëm një rënie e papritur e formës mund t’i mohojë Atalantës një vend në garën më prestigjioze për klube në kontinent.

Ndërkohë, gara e vërtetë mbetet për vendin e katërt, vendi i fundit për Champions. Katër skuadra janë të përfshira drejtpërdrejt në këtë garë, Juventus, Roma, Laxio dhe Bologna. Të tria të parat janë në baraspeshë me 63 pikë, ndërsa Bolonja ka 62 pikë, vetëm një pikë më pak.

Teorikisht, në lojë mbetet edhe Fiorentina, por humbja në Olimpico kundër Romës dhe përqendrimi në gjysmëfinalen e Konferencë Ligë ndaj Betis e kanë komplikuar ndjeshëm rrugën e tyre drejt zonës Champions.

Standings provided by Sofascore

Fundjava e fundit e kampionatit premton përballje direkte me ndikim të madh në renditje. Lacio pret Juventusin, ndërsa Atalanta do të përballet me Romën. Bolonja do të hapë javën e 36-të në një transfertë të vështirë ndaj Milanit në San Siro, përballje që vjen para finales së Kupës së Italisë mes dy ekipeve më 14 maj.

Java e 37-të rezervon gjithashtu sfida kyçe: Fiorentina-Bolonja, Inter-Lacio dhe Roma-Milan. Ndërsa në javën e fundit, në letër, të gjitha skuadrat që luftojnë për Champions do të kenë përballje më të lehta, por presioni i lartë mund të ndikojë në zhvillimin e ndeshjeve.

 





Lajmet e fundit nga