web counter
LEXO PA REKLAMA!

SHKARKO APP

App Store
Google Play

E fundit!

x

Raphinha ishte afër kombëtares europiane, sulmuesi: Pranova ftesën, por pasaporta...

5 Maj 2025, 14:56, Sport CNA

Raphinha ishte afër kombëtares europiane, sulmuesi: Pranova

Sulmuesi i Barcelonës, Raphinha, ka zbuluar se në vitin 2020 ishte shumë pranë përfaqësimit të kombëtares italiane, por në fund vendosi të zgjedhë Brazilin, me të cilët aktualisht është kthyer në një pikë kyçe dhe i rëndësishëm për formacionin. Lojtari kishte mundësinë për të përfituar nga shtetësia italiane përmes babait të tij, por procedurat burokratike penguan finalizimin e procesit në kohë.

Federata Italiane e Futbollit kishte nisur kontaktet në drejtim të futbollistit, duke parë potencialin dhe formën e tij në atë kohë.

Raphinha ka treguar se stafi teknik i Italisë, përfshirë edhe futbollistin Jorginho, ishin në komunikim të vazhdueshëm me të dhe kishin paraqitur një plan të qartë për përfshirjen e tij në ekipin kombëtar.

“Isha afër pranimit të ftesës nga Italia. Synimi ishte që të shkoja në Europianin e vitit 2020, të cilin ata e fituan. Në thelb kisha pranuar dhe isha gati të shkoja. Për fat të mirë, pasaporta nuk doli në kohë, ndonëse kisha telefonata të shumta nga kombëtarja italiane. Jorginho më kontaktonte gjatë gjithë kohës. Italianët kishin një plan të shkëlqyer për mua, i cili më bindi. Megjithatë, thellë-thellë ende shpresoja që të vishja fanellën e Brazilit. Për fat të mirë pasaporta italiane nuk doli në kohë dhe kalova te Brazili”, tha Raphinha.





Lajmet e fundit nga