web counter
LEXO PA REKLAMA!

SHKARKO APP

App Store
Google Play

E fundit!

x

Marash Kumbulla mbyll sezonin, ja sa do qëndrojë larg fushave

30 Prill 2023, 19:10, Sport CNA

Dueli ajror me Olivier Zhiru i ka kushtuar shumë shtrenjtë Marash Kumbullës. Futbollisti i larguar që në minutat e parë të ndeshjes mes Romës dhe Milanit, ka pësuar një dëmtim të rëndë që do ta detyrojë të qëndrojë për një periudhë të gjatë jashtë fushave të lojës.

Klubi i Romës ka bërë të ditur nëpërmjet një komunikate të shpërndarë për mediat se Marash Kumbulla ka dëmtuar ligamentin krocat të gjurit të djathtë. Sipas klubit, në ditët në vijim do të vlerësohet mënyra më e duhur për trajtimin e këtij dëmtimi, që do të thotë se do të planifikohet një ndërhyrje kirurgjikale.

Një dëmtim i tillë i ligamenteve dhe ndërhyrja kirurgjikale, jo vetëm që mbyllin para kohe sezonin e mbrojtësit shqiptar, por edhe do të shtyjnë kthimin e tij në fushën e lojës për disa muaj, pasi ky është ndër lëndimet më të rënda për futbollistët.

Padyshim një lajm shumë i keq për trajnerin e kombëtares shqiptare, Silvinjo, i cili nuk do të ketë në dispozicion lojtarin për duelet e muajit qershor dhe rrezikon as për ato të shtatorit ku me shumë mundësi do të vendoset fati i kuqezinjve në kualifikueset e Euro 2024.





Lajmet e fundit nga