E fundit!

18:34 Aktualitet

"The Albanian Files"/ Zhupa: Libri i premtimeve të Ramës për ndërtuesit e vet, ka brenda 523 vepra penale

Deputetja e PD-së, Ina Zhupa, ka folur ditën e sotme lidhu...

LIVE Starton sfida, Shqipëria për fitore ndaj Polonisë

10 Shtator 2023, 20:42, Sport CNA

Shqipëria luan në “Air Albania” ndaj Polonisë, në një ndeshje mjaft të rëndësishme për fatet e grupit E. Kuqezinjtë synojnë fitoren për të marrë kryesimin e grupit, gjë e cila do ta afronte jashtëzakonisht shumë me Europianin.

Sakaq, Silvinjo ka vendosur të bëjë ndryshime në formacion. Në portë, fanellën e titullarit e ka marrë Thomas Strakosha që ka zënë vendin e Etrit Berishës, ndërkohë që në vend të Seferit, titullar do të jetë Uzuni.

Pjesa tjetër e skuadrës, do të jetë ashtu si në Pragë, me Mitajn, Gjimshitin, Ismajlin dhe Hysajn në mbrojtje. Në mesfushë do të jenë Bajrami, Asllani dhe Ramadani, teksa vecc Uzunit, Asani dhe Cikalleshi udhëheqin sulmin.

LIVE SHQIPËRI-POLONI 0-0

KOMENTI LIVE:

21’ Shënojnë polakët! Pas një goditje dënimi, sfera shkon në rrjetë falë devijimit të Kivior. VAR anulon pas 3 minutash shqyrtim pë pozicion jashtë loje.

19’ Asllani nis një top në thellësi për Bajramin i cili hyn në zonë nga e majta dhe pason në shtyllën e dytë por nuk gjen askënd atje për të gjuajtur në portë.

15’ Të dy skuadrat kanë një manovër të ngadaltë në këto minuta, teksa nuk ka hapësira për të rrezikuar portat kundërshtare.

10’ Një top mbrapa i Ismajlit vë në vështirësi Strakoshën, i cili nuk mendohet dhe shkelmon menjëherë në gjysmëfushën kundërshtare.

10’ Bendnarek ndëshkohet me karton të verdhë për një faull ndaj Cikalleshit.

8’ Polakët thumbojnë në sulm dhe shfaqen rrezikshëm të parët, me Zielinskin i cili lëshon një gjuajtje drejt portës kuqezi, por gjen të vëmendshëm Strakoshën në pozicion.

5’ Presing i lartë që në minutat e parë nga kuqezinjtë, që kërkojnë të detyrojnë një gabim nga prapavija polake

3’ Sfida rifillon pasi edhe Gjimshiti shkon të flasë me tifozët duke u kërkuar që të mos përsëritin gjëra të tilla pasi rrezikohet pezullimi i ndeshjes.

1′ Gjyqtari ndal menjëherë sfidën, për shkak të flakadanëve në tribunat e tifozëve shqiptarë me të tillë që fluturojnë në fushë.

Starton sfida!