web counter
LEXO PA REKLAMA!

SHKARKO APP

App Store
Google Play

E fundit!

x

Bardheblutë e kryeqytetit ndryshojnë trajner, zyrtarizohet ish-lojtari i Tiranës. Në staf edhe Pejic

9 Shtator 2023, 16:05, Sport CNA

Bardheblutë e kryeqytetit ndryshojnë trajner, zyrtarizohet ish-lojtari

Pas largimit të trajnerit Cihat Arslan nga pankina e Shkupit, për shkak të arsyeve familjare, kryesia e klubit ka reaguar shpejt dhe ka gjetur trajner të ri. Drejtimi i skuadrës bardheblu i është besuar 42-vjeçarit, Mlladen Zhizhoviç.

“Më vjen mirë që jam pjesë e Shkupit, shpresoj që gjithë se bashku në bashkëpunim me të gjitha strukturat e klubit do të kontribuojmë që Shkupi të jetë një nga kandidatët për titullin kampion. Do të tentojmë që ajo që ka qenë e mirë ta mbajmë dhe të përmirësojmë lojën tonë, shpresoj që lojtarët do ta kuptojnë këtë situatë dhe do të japin kontribut të madh në bashkëpunim me ne dhe mezi presim ndeshjen e radhës. Besoj në punën time dhe në stafin që kam, do të mbajmë një pjesë të atyre që kanë qenë, me ne do të vijë një asistent i cili ka punuar me ne gjatë periudhës së kaluar, kështu që mendoj se do të bëjmë një staf kualitativ i cili do të di dhe do të mundet të përcjellë dijen te futbollistët”, ka thënë Zhizhiç, i cili si lojtar ka luajtur edhe për Tiranën në Shqipëri.

Zhizhiç së fundmi ka punuar si trajner në Arabinë Saudite në pankinën e Al Kholod, ndërsa më parë ka qenë kryesori edhe me ekipet si Radnik nga Bjeljina, Zrinjski dhe Slloboda nga Tuzlla, të gjitha këto ekipe që garojnë në kampionatin më të fortë të Bosnjë e Hercegovinës.

Në stafin teknik, Zhizhiç me vete ka sjellë një emër të njohur të futbollit kroat, Pero Pejiç, i cili një pjesë të madhe të karrierës ka luajtur në kampionatin Kroat, në Austri, Iran, Arabinë Saudite dhe në Shqipëri.





Lajmet e fundit nga