LIVE ÇEKI-SHQIPËRI/ Starton sfida, çfarë ndodh në kohë reale

7 Shtator 2023, 20:47, Sport CNA

Shqipëria luan sot ndaj Çekisë në Pragë një ndeshje shumë të rëndësishme për kualifikueset e EURO 2024. Një rezultat pozitiv në “Fortuna Arena” do të ndihmonte kuqezinjtë për të vazhduar drejt fazës finale të turneut, teksa aktualisht mbajnë vendin e dytë në grup, 1 pikë pas çekëve kryesues.

Bie në sy se trajneri Silvinjo ka vendosur që t’i besojë përsëri Mitajt krahun e majtë të mbrojtjes nga minuta e parë, duke kaluar Hysajn djathtas dhe sakrifikuar kështu Balliun, i cili e nis ndeshjen nga stoli. Edhe Myrto Uzuni ka humbur vendin e tij mes titullarëve në këtë sfidë, me Seferin i cili do të rreshtohet në krahun e majtë të sulmit ku Asani e Cikalleshi për momentin janë të paprekshëm.

LIVE ÇEKI-SHQIPËRI 1-0
57′ Krejçi

NGJARJET KRYESORE

57’ Kuqezinjtë pësojnë golin e parë. Krejçi i shpëton pozicionit jashtë loje dhe mposht Berishën. Fillimisht goli anulohet për pozicion jashtë loje nga vijërojtësi, por më pas VAR-i i jep avantazhin vendasve.

52’ Protesta e tepruar e Asanit pas një faulli ndaj Asllanit sjell kartonin e verdhë për sulmuesin shqiptar.

48’ Ismajli ndërkohë ka probleme fizike dhe kërkon ndihmën e stafit mjekësor.

48’ Një harkim në zonë nga e djathta e sulmit sjell golin e vendasve me Provon. Por gjyqtari ndal gjithçka për një pozicion jashtë loje.

45’-2’ Mbyllet pa gola pjesa e parë.

45’+1’ Top perfekt nga gjysmëfusha i Asllanit për Cikalleshin, sulmuesi rrëzohet në zonë pas një kontakti por gjyqtari Tejlor sheh një prekje topi me dorë të futbollistit të Kombëtares shqiptare.

45’ Jepen 2 minuta shtesë.

43’ Një pasim i gabuar i Seferit sjell një rrezik pranë portës tonë me një gjuajtje të Suçek, e cila devijohet jashtë.

41’ Pak shqetësim për rrëzimin e Cikalleshit në një duel ajror. Sulmuesi merr ndihmën mjekësore dhe kthehet përsëri në fushën e lojës.

28′ Vertikalizim i bukur. Jasir Asani i kthen reston Sokol Cikalleshit, i cili nuk arrin të driblojë portierin kundërshtar.

27′ Presing i Shqipërisë. Sokol Cikalleshi nis Jasir Asanin, i cili ndalet nga portieri çek. Anësori akordon pozicion të parregullt.

20’ Kushta ndërhyn ndaj Berishës me faull, teksa merr vërejtjen e kryesorit Tejlor.

19’ Krejçi provon që të fitojë penallti pas një kombinimi me Kral, por gjyqtari bën shenjë që loja të vazhdojë.

16’ Vendasit provojnë nga krahët që të rrezikojnë prapavijën e Shqipërisë, por çdo tentativë e tyre mbyllet shumë shpejt.

12’ Çernji shfaqet para zonës së Shqipërisë dhe lëshon një gjuajtje tokazi që kontrollohet nga Berisha.

8’ Top në thellësi i Hysajt nga e djathta për Asanin, sulmuesi nuk ia del ta vërë në kontroll dhe sfera shkon në fundore.

7’ Presing i lartë i kuqezinjve, të cilët mundohen që të mos lejojnë vendasit të organizohen.

6’ Cikalleshi niset me një aksion sulmues në krahun e majtë, por ndalohet në pozicion jashtë loje nga vijërojtësi.