E fundit!

11:42 Aktualitet

“Historitë e mesazheve i di ajo”/ Përplasje e fortë mes Metës dhe Kryemadhit në gjyq: Mos u merr me llafe grash

Debate të ashpra kanë ndodhur në sallën e gjyqit me kreut ...

Leva “tradhton” Borusian: Titullin e merr Bajerni, do t’ju jem gjithmonë mirënjohës

10 Maj 2023, 15:26, Sport CNA

Leva “tradhton” Borusian: Titullin e merr Bajerni, do t’ju jem

Robert Levandovski-Bajern Mynih u mendua si dashuri e pandashme, e ku vetëm pensionimi i polakut do t’i jepte fund kësaj historie, megjithatë merkatoja e shkuar dha tjetër tablo.

Një Leva që u largua mes tensioneve, shumë ndryshe nga sa mund të ishte imagjinuar për të kërkuar motivim të ri drejt së ardhmes. Edhe pse tashmë ai djersin fanellën e Barçës, duke qartë se ndjenja karshi bavarezëve nuk është shuar plotësisht. Në prononcimin në median katalanase “Sport”, 34-vjeçari polak ka zgjedhur se cili klub dëshiron që të ngrejë trofeun e Bundesligës, marrë në konsideratë faktin që Roberti është aktivizuar me të dyja skuadrat me rivalitetin më të madh në tokën e “pancerave” (Dortmund-2010/ 2014, Bajern-2014-2022), pa lënë mënjanë emocionet e përshkuara në futbollin gjerman.

RIVALITETI NË BUNDESLIGË- “Kam dëgjuar shumë analistë e sportdashës që mendojnë se triumfi i Dortmundit në ligën vendëse do t’i bënte mirë kampionatit në rritje.

Ama unë gjithmonë jam me Bajernin. Do të shijojmë edhe tri ndeshje plot emocione në këtë fund spektakolar në Bundesligë”, tha me nota të larta emotive Levandovski në ndarjen e çmimeve “Laureus World Sports Awards” (Laureus World Sports Awards është një ceremoni vjetore e çmimeve, që nderon individë dhe ekipe nga bota e sportit, së bashku me arritjet sportive gjatë gjithë vitit. Ajo u krijua në 1999-ën nga themelues të fondacionit “Laureus Sport for Good” Daimler dhe Riçemont), që këtë vit u fitua nga Mesi.

PËRJETIMET NË MYNIH- “Gjithçka që kam kaluar dhe arritur te Bajern Mynihu do të mbeten në zemrën time. I jam gjithmonë mirënjohës.

Qyteti i Mynihut dhe Gjermania janë të skalitura, pasi kam shpenzuar gati 12 vite në të, 8 prej të cilave më rekordmenët e ligës vendëse, e përkthyer me një mal arritjesh e pjekje profesionale”, e mbylli autori i 344 golave dhe 72 asisteve me gjigantët e Bajernit, ndonëse “Topi i Artë” nuk e plotësoi kurrë palmaresin e Levës te klubi ku u inkuadrua në 375 sfida në të gjitha kompeticionet.