web counter
LEXO PA REKLAMA!

SHKARKO APP

App Store
Google Play

E fundit!

x

Laçi gjen zgjidhje për stolin, ja kush do të jetë trajneri i kurbinasve për sezonin e ardhshëm

5 Korrik 2023, 09:14, Sport CNA

Laçi gjen zgjidhje për stolin, ja kush do të jetë trajneri

Stavri Nica do të jetë trajneri i Laçit për sezonin e ri. Me shumë mundësi durrsaku që drejtoi skuadrën në fund të sezonit të shkuar do të jetë trajneri për sezonin e ri. Zyrtarizimi do të ndodhë në ditët në vazhdim, ndërsa Nica do të nisë punën me një skuadër ndryshe nga e kaluara. Nica është një njohës shumë i mirë i Superiores dhe ambientit të Laçit dhe i vetmi që arrin të marrë më të mirën nga të rinjtë.

STRATEGJIA – Drejtuesit e Laçit kanë në plan që këtë vit ekipi të jetë me më tepër lojtarë të rinj në moshë, që duan të afirmohen dhe që vijnë nga skuadra rreth Kurbinit. Buxheti i skuadrës do të jetë i reduktuar në krahasim me vjet, ku u shpenzua shumë dhe nuk u arrit asgjë.

REVOLUCIONI – Me përfundimin e sezonit, revolucioni te kurbinasit ishte i pashmangshëm. Nga skuadra u larguan lojtarët më të rëndësishëm, pikërisht Gentian Selmani, Marko Roganoviç, Rudolf Turkaj, Viktor Velkoski, Majkëll Babatunde, Mentor Mazrekaj, Vasil Shkurtaj, Renato Ziko dhe Albi Alla.

AFRIMET – Klubi ka vendosur të ndryshojë strategjinë, duke u fokusuar tashmë te lojtarët e rinj në moshë, të cilët mund të afirmohen si pjesë e Laçit në Superiore.

Zyrtarisht klubi ka bashkëpunuar me akademinë Internacional, duke marrë nga këta të fundit lojtarë të rinj, si sulmuesi Emanuil Guci, mesfushori Orgi Cena dhe mbrojtësi Khalil Taleb. Ndërsa afrimi i parë ishte sulmuesi anglez, Ronald Sobovale, i cili ka shkëlqyer së fundmi në Kosovë me klubin e Malishevës.





Lajmet e fundit nga