web counter
LEXO PA REKLAMA!

SHKARKO APP

App Store
Google Play

Gvozdenoviç: Disa lojtarë më kanë befasuar, për një javë vendosim të gjitha

4 Korrik 2023, 21:56, Sport CNA

Skënderbeu është kompletuar në masën 50%”, kjo është deklarata e numrit një të pankinës korçare, Ivan Gvzodenoviç, në prag të nisjes zyrtare të fazës përgatitore, që starton ditën e sotme.

Trajneri i Skënderbeut, në një prononcim të dhënë ekskluzivisht për “Panorama Sport”, tregon se prurjet kanë qenë të shumta nga ana e klubit dhe një pjesë prej tyre ende janë në fazë prove, teksa vendimi final do të jepet nga stafi bardhekuq në fund të këtij muaji.

Në kushtet kur afrimet zyrtare dhe një pjesë e lojtarëve nën kontratë nuk janë bashkuar me ekipin, testet për afrimet e reja kanë qenë në thelb të seancave stërvitore prej 26 qershorit.

“U bë më shumë se një javë që jemi duke punuar në terren dhe po testojmë të gjitha prurjet që kemi deri në këto momente në ekip. Mund të them se në momentet që flasim nga 24 lojtarë që janë në dispozicionin tim, vetëm 12 prej tyre kanë kontratë me ne. Pjesa tjetër janë ende në provë. Gjithsesi, kemi marrë sinjale të mira nga disa prej tyre, madje një pjesë më ka befasuar, teksa do të vijojmë ende të jemi në pritje të cilësive të tyre deri në fund të muajit.

Nga nesër (sot) do të nisë faza përgatitore dhe dita-ditës ekipi do të marrë formë, pasi do të afrohen lojtarët që kanë firmosur kontratën në këtë hapësirë merkatoje, por edhe ata që kanë rinovuar nga sezoni i kaluar. Kështu që ekipi shumë shpejt do të marrë formë. Në datën 10 korrik parashikoj që të jemi të kompletuar në masën 85%. E them këtë, pasi presim ende 4-5 afrime që do të mbushin hapësirat boshe te Skënderbeu dhe do të na japin më shumë cilësi dhe mundësi zgjedhjeje”, theksoi trajneri i Skënderbeut, Ivan Gvozdenoviç.





Lajmet e fundit nga