E fundit!

20:58 Aktualitet

FOTOLAJM/ Pankartat "pikante" në protestën e 46 kundër qeverisë

Vijon protesta e 46 para Kryeministrisë. Protestuesit vijo...

Kukësi-Partizani/ Vendos goli i Carës, të kuqtë e mbyllin në avantazh pjesën e parë

19 Shtator 2022, 15:54, Sport CNA

Është mbyllur pjesa e parë në sfidën mes Kukësit dhe Partizanit, e vlefshëm për javën e pestë në Abissnet Superiore.

Pas 45 minutave të para, të kuqtë janë në avantazhin e një goli. Ishte Tedi Cara, që shënoi në minutën e 14-të, me një gjuajtje të bukur nga goditja e dënimit.

Një episod aspak i këndshëm u regjistruar pas golit, ku Cara u godite me shishe uji nga tribuna, duke pësuar një çarje poshtë syrit dhe u zëvendësua nga Cvetanoski.

Pritet një pjesë e dytë e luftuar nga të dyja ekipet, me Kukësit që do të kërkojë me çdo kusht golin e barazimit.

Kukësi-Partizani 0-1 (Cara 14’)

45+4’ Mbyllet me fitoren e Partizanin pjesa e parë në “Kukës Arena”. një gol i bukur i Carës nga goditja e dënimit ka vendosur fatin e kësaj sfide. Loja ka qenë e luftuar, por kanë munguar rastet e pastra për shënim

45’ Është sërish Ndreca që provon nga distanca dhe gjuajtja e tij kërcënon portën e Rexhepit

45’ Akordohen 4 minuta shtesë

41’ Cvetanoski godet nga distanca por gjuajtja e tij është mbi kuadrat

39’ Provon nga distanca Ndreca, por gjuajtja e tij kalon ngjitur me shtyllën e mbrojtur nga Rexhepi

34’ Është ulur ndjeshëm ritmi i lojës. Ka shumë faulle dhe ndërprerjeje dhe asnjë nga skuadrat nuk arrin që të krijojë raste të mira shënimi

28’ Aksion i bukur i Kukësit nga e djathta e sulmit, por topi është shumë i lehtë dhe përfundon në duart e portierit Rexhepi

25’ Është tensionuar disi loja në Kukës, pasi ka ndërhyrje të ashpra në mesin e fushës. Vendasit nuk po arrijnë të reagojnë dot pas golit të pësuar

21’ Bytyçi merr kartonin e parë të verdhë të sfidës, pasi ka bërë një ndërhyrje të parregullt në mesfushë

17’ Rifillon loja në Kukës, por Cara duket se do të zëvendësohet, sepse ka pësuar një të çarë poshtë syrit dhe në vend të tij do të futet në lojë Cvetanoski

14’ Loja është ndalur sepse është goditur me shishe nga tifozët shënuesi i golit. Cara po merr ndihmën mjekësore

14’ GOOOOOOOOL. Shënon Partizani. Tedi Cara kalon në avantazh miqtë me një supergol nga goditja e dënimit. Topi godet shtyllën dhe më pas përfundon në rrjetë

10’ Kalojnë 10 minutat e para të ndeshjes, që deri më tani nuk ka prodhuar asnjë rast të pastër për shënim. Loja është e përqendruar në mesfushë, por asnjë nga skuadrat nuk arrin që të dominojë kundërshtarin

5’ Minuta të qeta në Kukës. Luftohet fort në mesfushë, por asnjë nga skuadrat nuk arrin që të shfaqet rrezikshëm në zonën kundërshtare

1’ Nis ndeshja në “Kukës Arena”

Rezultatet e dobëta në katër javët e para të kampionatit (asnjë fitore) i kanë kushtuar vendin e punës teknikut Skënder Gega dhe sot në krye të pankinës së Kukësit do të debutojë trajneri i ri Enkelejd Dobi. Vendasit synojnë kthesën e madhe përballë Partizanit, duke kërkuar fitoren e parë në kampionat. “Të kuqtë” janë surprizuar nga Erzeni javën e kaluar, duke pësuar humbjen e parë në kampionat, pas tre fitoreve radhazi në Abissnet Superiore. Djemtë e teknikut Colella kërkojnë të rikthehen te suksesi, që do ti ngjiste në të vetëm në krye të renditjes.