web counter
LEXO PA REKLAMA!

SHKARKO APP

App Store
Google Play

E fundit!

x

Statistikat e pabesueshme të Haland, më mirë se Ronaldo e Mesi

19 Shtator 2022, 12:45, Sport CNA

 

Nuk ndalet momenti i artë i Erling Halandit, autor i 11 golave ??në 7 ndeshje të Premier League, që bëhen 14 gola në 9 ndeshje duke përfshirë dy ndeshjet e Champions League kundër Seviljës dhe Borusia Dortmundit. Sulmuesi norvegjez me paraqitjet e tij të jashtëzakonshme ka më shumë gola se 13 skuadra në ligën angleze, përfshirë Mançester Junajtid dhe Çelsin (8 gola në total).

Numrat flasin vetë dhe në moshën 22-vjeçare korrikun e kaluar, Haland vazhdon të vendosë dhe të thyejë rekorde. Norvegjezi po kalon edhe Kristiano Ronaldon dhe Mesin në vitet e para të karrierës, duke thyer së fundmi edhe rekordin e tyre.

Edhe pse tre lojtarët në fjalë kanë pozicione të ndryshme në fushë, ka një statistikë që lejon një krahasim të drejtë: ajo e përqindjes së suksesit në goditjet në portë. Kristiano Ronaldo në sezonin e tij më të mirë, mes La Liga (48 gola) dhe Champions (10 gola), arriti në total 58 gola me 295 goditje, ose një përqindje prej 19% (1 gol çdo 5 goditje).

Në sezonin e tij më të mirë, Mesi shënoi 53 gola (43 në ligë dhe 10 në Champions League) duke realizuar 237 goditje, pra një shkallë suksesi 22% (1 gol çdo 4.5 goditje).

Statistikat e Halandit e tejkalojnë shumë portugezin dhe argjentinasin: atij i nevojiteshin vetëm 37 goditje për të shënuar 14 golat e tij, me një përqindje në 38% (1 gol për çdo 2.6 goditje në portë).

Jo vetëm kaq, norvegjezi fiton edhe në statistikat e golave ??të shënuar në 6000 minutat e para të karrierës së tij: Ronaldo ka arritur në 17, Mesi në 40, Haland i ka kaluar, 73 gola.





Lajmet e fundit nga