web counter
LEXO PA REKLAMA!

SHKARKO APP

E fundit!

x

ZYRTARE/ Humbi në kampionat, jep dorëheqjen trajneri i klubit të Kategorisë së Parë

19 Shtator 2022, 11:44, Sport CNA

Pas humbjes së rëndë në shtëpi ndaj Flamurtarit me rezultatin 0-3, tekniku i Turbinës, Adriatik Faslli, ka dhënë dorëheqjen nga detyra e trajnerit të cërrikasve.

Këtë lajm e ka bërë vetë publik klubi i Turbinës me një njoftim në profilin e tyre të rrjetit social “Instagram” duke falënderuar trajnerin 53-vjeçar për punën e përshkuar deri më tani, teksa thuhet se këtë vendim trajneri e mori për arsye familjare.

Më tej në komunikatë skuadra e Kategorisë së Parë ka sqaruar se në vijim do të bëhet publik emri i ri që do të ulet në pankinën e Turbinës.

Njoftimi i klubit:

“KF Turbina njofton se trajneri Adriatik Faslli ka dhënë dorëheqjen nga drejtimi i ekipit për arsye familjare dhe klubi ka pranuar dorëheqjen. I urojmë suksese në të ardhmen në karrierë dhe e falënderojmë për punën e bërë. Në vijim do të njoftojmë për emërimin e trajnerit të ri.”





Lajmet e fundit nga